അയർലണ്ട് ;നേരത്തെ കോ വെസ്റ്റ്മീത്തിലെ മുള്ളിംഗറിൽ -7.5C എന്ന താഴ്ന്ന താപനില രേഖപ്പെടുത്തിയിരുന്നു . ഈ റെക്കോർഡാണ് ഭേദിച്ചത് കോ ലോങ്‌ഫോർഡിൽ ഇന്നലെ രേഖപ്പെടുത്തിയ താപനില ഇതുവരെയുള്ളതിൽ വച്ച് ഏറ്റവും കുറഞ്ഞ താപനിലയാണെന്ന് കാലാവസ്ഥ നിരീക്ഷകർ അറിയിച്ചു.
കോ ഗാൽവേയിലെ ഏഥൻറിയിൽ -7C താപനിലയും കോ കാർലോയിലെ ഓക്ക് പാർക്കിൽ -6.7C ഉം രേഖപ്പെടുത്തിയതായി റിപ്പോർട്ടിൽ പറയുന്നു. രാജ്യത്തിന്റെ വിവിധ ഭാഗങ്ങളിലായി 200-ൽ താഴെ വീടുകളും ഫാമുകളും ബിസിനസ്‌ സ്ഥാപനങ്ങളിലും വൈദ്യുതി പുനഃസ്ഥാപിക്കുന്നതിനായി കാത്തിരിക്കുകയാണെന്ന് ESB നെറ്റ്‌വർക്ക്സ് പറഞ്ഞു.ടിപ്പററി, ലിമെറിക്ക്, കെറി എന്നിവിടങ്ങളിലെ 4,500-ഓളം ഉപഭോക്താക്കൾക്ക് ജലവിതരണം തടസ്സപ്പെട്ടതായി ഉയിസ്സെ ഐറിയൻ പറഞ്ഞു. ഇവയിൽ ഭൂരിഭാഗവും ഇന്ന് രാവിലെയോടെ വിതരണം പുനഃസ്ഥാപിക്കുമെന്നാണ് പ്രതീക്ഷിക്കുന്നത്. രാജ്യത്തിന്റെ വിവിധ ഭാഗങ്ങളിൽ മഞ്ഞുവീഴ്ച തുടരുന്നതിനാൽ, കാലാവസ്ഥയുമായി ബന്ധപ്പെട്ട തകരാറുകളുടെ എണ്ണത്തിൽ വർദ്ധനവ് പ്രതീക്ഷിക്കുന്നതായി Uisce Éireann കൂട്ടിച്ചേർത്തു. നോർത്തേൺ അയർലണ്ടിൽ, ആൻട്രിം, ഫെർമനാഗ്, ടൈറോൺ, ഡെറി എന്നീ കൗണ്ടികളിൽ മഞ്ഞു വീഴ്ച സംബന്ധിച്ച മുന്നറിയിപ്പ് രാവിലെ 11 മണി വരെ നിലവിലുണ്ട്.
അതേസമയം Antrim, Armagh, Down, Fermanagh, Tyrone, Derry എന്നിവയെ മൂടൽമഞ്ഞ് സംബന്ധിച്ച യെല്ലോ അലർട്ട് രാവിലെ 9 മണിക്ക് അവസാനിച്ചു. മഞ്ഞുവീഴ്ചയുള്ള പ്രദേശങ്ങൾ യാത്രാ സാഹചര്യങ്ങൾ ദുഷ്കരമാക്കുമെന്ന് യുകെ മെറ്റ് ഓഫീസ് അറിയിച്ചു. താപനില -16 ഡിഗ്രി സെൽഷ്യസ് വരെ കുറയാൻ സാധ്യതയുള്ളതിനാൽ യുകെയിലുടനീളം പ്രത്യേക കാലാവസ്ഥാ അലേർട്ടുകളും നിലവിലുണ്ട്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.