ആചാര പരിഷ്കരണ യാത്ര: ക്ഷേത്രങ്ങളില്‍ ഷര്‍ട്ട് ധരിക്കാൻ അനുവദിക്കണം; ദേവസ്വം ബോര്‍ഡ് ആസ്ഥാനത്തേക്ക് പദയാത നടത്തുമെന്ന് ശിവഗിരി മഠം,

തിരുവനന്തപുരം: ക്ഷേത്രങ്ങളില്‍ ഷർട്ട് ധരിക്കാൻ അനുവദിക്കണം എന്നാവശ്യപ്പെട്ട് നിലപാട് കടുപ്പിച്ചു ശിവഗിരി മഠം.

ഈ വിഷയത്തില്‍ മറ്റെന്നാള്‍ ദേവസ്വം ബോർഡ് ആസ്ഥാനത്തേക്ക് പദയാത്ര നടത്തും. ശിവഗിരി മഠാധിപതി സ്വാമി സച്ചിദാനന്ദ നേതൃത്വം നല്‍കും. ആചാരങ്ങളില്‍ മാറ്റം വേണമെന്നാണ് ആവശ്യം.

ആചാര പരിഷ്കരണ യാത്ര എന്ന പേരിലാണ് മറ്റെന്നാള്‍ ശിവഗിരി മഠത്തിന്റെ നേതൃത്വത്തില്‍ പദയാത്ര നടക്കുന്നത്. ഷർട്ട് ധരിച്ചുകൊണ്ടുള്ള ക്ഷേത്ര പ്രവേശനം അനുവദിക്കുന്നതിനൊപ്പം ദേവസ്വം ബോർഡ് സവർണ ജനതയുടെ അധികാര കുത്തകയായി മാറാതെ മത പരിഷ്കരണത്തില്‍ എല്ലാ സമുദായങ്ങള്‍ക്കും തുല്യ പരിഗണന നല്‍കിക്കൊണ്ട് സംവരണം നടപ്പാക്കണം എന്ന ആവശ്യവും ശിവഗിരി മഠം മുന്നോട്ടു വെയ്ക്കുന്നു.