മഹാകുംഭമേളയില്‍ തീവ്രവാദി ആക്രമണം നടത്തും, ആയിരത്തോളം ഭക്തര്‍ കൊല്ലപ്പെടും: ഭീഷണി മുഴക്കിയ റഷ്യൻ പൗരൻ പിടിയിൽ

ലക്നൗ : ഉത്തർപ്രദേശിലെ പ്രയാഗ്‌രാജില്‍ നടക്കുന്ന മഹാകുംഭമേളയില്‍ നേരെ തീവ്രവാദി ആക്രമണം നടത്തുമെന്ന് ഭീഷണി മുഴക്കിയ റഷ്യൻ പൗരൻ അറസ്റ്റില്‍ 

ജനുവരി 13ന് നടക്കുന്ന സ്‌ഫോടനത്തില്‍ ആയിരം പേരെങ്കിലും കൊല്ലപ്പെടുമെന്നായിരുന്നു റഷ്യൻ പൗരൻ ആൻഡ്രെ പോഫ്‌കോഫിന്റെ ഭീഷണി .

ഭീകരാക്രമണ ഭീഷണി സംബന്ധിച്ച്‌ കോട്വാലി പൊലീസും, സൈബർ സെല്‍ സംഘവും അന്വേഷണം ആരംഭിച്ചിരുന്നു. ഇതിനിടെ ഭീഷണിയുമായി ബന്ധപ്പെട്ട പോസ്റ്റും അപ്രത്യക്ഷമായി . എങ്കിലും ഏറെ ശ്രമപ്പെട്ട് ഐ പി അഡ്രസും മറ്റും കണ്ടെത്തിയതോടെയാണ് റഷ്യൻ പൗരൻ കുടുങ്ങിയത് .

വിസ കാലാവധി കഴിഞ്ഞിട്ടും ഇന്ത്യയില്‍ കഴിയുകയായിരുന്നു. സെക്‌ടർ നമ്പർ 15ല്‍ സ്ഥിതി ചെയ്യുന്ന ഭക്തരുടെ ക്യാമ്പിലാണ് താമസിച്ചിരുന്നത്. നിലവില്‍ ഇയാളെ ഡല്‍ഹി ഇമിഗ്രേഷൻ ബ്യൂറോയ്‌ക്ക് കൈമാറി.