പുറമേനിന്ന് നോക്കിയാല്‍ പലചരക്ക് കട: അകത്തെ കച്ചവടം കയ്യോടെ പിടികൂടി, ലൈസൻസ് റദ്ദാക്കി,

പാലക്കാട്: കൊല്ലങ്കോട് എക്സൈസ് റേഞ്ച് പരിധിയിലെ പയ്യലൂരില്‍ സ്കൂളിന് സമീപം പലചരക്ക് കച്ചവടത്തിന്റെ മറവില്‍ നിരോധിത പുകയില ഉല്‍പ്പന്നങ്ങള്‍ വില്‍പ്പന നടത്തിവന്ന കടകളുടെ ലൈസൻസ് റദ്ദാക്കി.

കൊല്ലങ്കോട് എക്സൈസ് റേഞ്ച് ഇൻസ്പെക്ടർ നിഷാന്തും സംഘവും ചേർന്ന് ഡിസംബറില്‍ നടത്തിയ പരിശോധനയിലാണ് പയ്യലൂർ ടി കെ ഡി യു.പി സ്കൂളിന് സമീപം പ്രവർത്തിച്ചിരുന്ന റഷീദ, ഹസ്സൻ മുഹമ്മദ് എന്നിവരുടെ ഉടമസ്ഥതയിലുള്ള കടകളില്‍ നിന്നും നിരോധിത പുകയില ഉല്‍പ്പന്നങ്ങള്‍ പിടിച്ചെടുത്തത്.

തുടർന്ന് കോട്വാ നിയമ പ്രകാരം പിഴ ഈടാക്കുകയും തുടർ നടപടികള്‍ക്കായി കൊല്ലങ്കോട് പഞ്ചായത്ത് സെക്രട്ടറിക്ക് കത്ത് നല്‍കുകയും ചെയ്തു. ഇതിന്റെ അടിസ്ഥാനത്തിലാണ് കടകളുടെ ലൈസൻസ് റദ്ദ് ചെയ്ത് ഉത്തരവായത്.