പാലായിൽ കാറും ഓട്ടോയും കൂട്ടിയിടിച്ചുണ്ടായ അപകടത്തിൽ മൂന്നു പേർക്ക് പരിക്ക്,

കോട്ടയം: പാലായിൽ കാറും ഓട്ടോയും കൂട്ടിയിടിച്ചുണ്ടായ അപകടത്തിൽ മൂന്നു പേർക്ക് പരിക്ക്.

ഇന്ന് രാവിലെ 9. 45 ഓടെ പാലാ തൊടുപുഴ റൂട്ടിൽ മുണ്ടാങ്കൽ സ്കൂളിന് സമീപമാണ് അപകടം സംഭവിച്ചത്.

പാലായിൽ നിന്നും മൂന്നാറിലേക്ക് പോകുകയായിരുന്ന വിനോദ സഞ്ചാരികളുടെ കാർ പാലായിലേക്ക് പോകുകയായിരുന്നു ഓട്ടോയിൽ ഇടിച്ചാണ് അപകടം സംഭവിച്ചത്.

യാത്രക്കാരും പാലാ സ്വദേശികളുമായ അന്നക്കുട്ടി സെബാസ്റ്റ്യൻ (64) ജെസ്സി മാണി (48) ഓട്ടോ ഡ്രൈവർ ബിജു മുളയ്ക്കൽ എന്നിവർക്കാണ് അപകടത്തിൽ പരിക്കേറ്റത്. 

തുടർന്ന് സ്ഥലത്തെത്തിയ പാലാ ഹൈവേ പോലീസും പ്രദേശവാസികളു ചേർന്ന് പരിക്കേറ്റവരെ പാലായിലെ സ്വകാര്യ ആശുപത്രിയിൽ പ്രവേശിപ്പിച്ചു.

സംഭവത്തെ തുടർന്ന് ഗതാഗത തടസം നേരിട്ട റൂട്ടിൽ അപകടത്തിൽ പെട്ട വാഹനങ്ങൾ റോഡിൽ നിന്ന് നീക്കം ചെയ്ത് ഗതാഗതവും ട്രാഫിക് പോലീസ് ഉദ്യോഗസ്ഥർ പുനസ്ഥാപിച്ചു.