അങ്കമാലി: സെന്റ് തോമസ് സീറോ മലബാർ മെൽബൺ രൂപതയുടെ വിശുദ്ധ ജോൺ പോൾ രണ്ടാമൻ പാപ്പയുടെ നാമധേയത്തിലുള്ള മൈനർ സെമിനാരിയുടെ അടിസ്ഥാന ശിലാസ്ഥാപനം അഭിവന്ദ്യ ബോസ്‌കോ പുത്തൂർ പിതാവ് നിർവ്വഹിച്ചു.
അങ്കമാലിക്കടുത്ത് കോക്കുന്ന് സെന്റ് ജോസഫ് ദേവാലയത്തിനു സമീപം മെൽബൺ രൂപതക്ക് ലഭിച്ച ഒരേക്കർ സ്ഥലത്താണ് സെമിനാരിയും അനുബന്ധസൗകര്യങ്ങളുമായുള്ള കെട്ടിടത്തിന്റെ നിർമ്മാണം ആരംഭിക്കുന്നത്.
മെൽബൺ രൂപത ബിഷപ്പ് മാർ ജോൺ പനംതോട്ടത്തിൽ സി.എം.ഐ, വികാരി ജനറാൾ മോൺസിഞ്ഞോർ ഫ്രാൻസിസ് കോലഞ്ചേരി, മൈനർ സെമിനാരി റെക്ടർ ഫാദർ ലോറൻസ് തൈക്കാട്ടിൽ, പ്രൊക്യൂറേറ്റർ ഡോ. ജോൺസൺ ജോർജ്ജ്, കോക്കുന്ന് സെന്റ് ജോസഫ് ഇടവക വികാരി ഫാദർ ഷാജൻ പുത്തൻപുരയ്ക്കൽ, മെൽബൺ രൂപതയിൽ സേവനം ചെയ്യുന്ന വൈദികർ, സെമിനാരി വിദ്യാർത്ഥികൾ എന്നിവർ സന്നിഹിതരായിരുന്നു.
2016 ജൂണിൽ തൃശൂരിനടുത്ത് പഴയന്നൂരിൽ മലബാർ മിഷനറി ബ്രദേഴ്‌സിന്റെ ഭവനത്തിലാണ് മൈനർ സെമിനാരി താല്ക്കാലികമായി പ്രവർത്തനം ആരംഭിച്ചത്. മെൽബൺ രൂപതക്ക് സ്വന്തമായ വൈദികർ എന്ന ആഗ്രഹത്തോടെ രൂപതയുടെ പ്രഥമ പിതാവ് ബിഷപ്പ് ബോസ്‌കോ പുത്തൂരാണ് സെമിനാരിക്ക് തുടക്കം കുറിക്കുന്നത്.
നിലവിൽ അങ്കമാലിക്കടുത്ത് തിരുമുടിക്കുന്നിൽ താല്ക്കാലിക കെട്ടിടത്തിലാണ് സെമിനാരി പ്രവർത്തിക്കുന്നത്. കേരളത്തിലെ വിവിധ രൂപതകളിൽ നിന്നും തിരഞ്ഞെടുക്കപ്പെട്ട വിദ്യാർത്ഥികൾ മൈനർ സെമിനാരിയിൽ വൈദികപരിശീലനം നടത്തുന്നുണ്ട്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.