ഭൂരിപക്ഷം ഇല്ല, തലപ്പലം ഗ്രാമപഞ്ചായത്ത് പ്രസിഡന്റ് തിരഞ്ഞെടുപ്പ് മാറ്റിവെച്ചു

ഭരണങ്ങാനം:തലപ്പലം ഗ്രാമപഞ്ചായത്ത് പ്രസിഡന്റ് സ്ഥാനത്തേക്കുള്ള ഇലക്ഷൻ പ്രതിപക്ഷ പാർട്ടികൾ ബഹിഷ്കരിച്ചതിനാൽ കോറം തികയാതെ മാറ്റിവെച്ചു.

കോൺഗ്രസിലെ ധാരണ പ്രകാരം എൽസമ്മ തോമസ് രാജിവച്ച  ഒഴിവിലേക്ക് ആണ് ഇലക്ഷൻ  നടന്നത്. യുഡിഎഫ് 6 എൽഡിഎഫ് 3 ബിജെപി 3 സ്വതന്ത്രൻ 1 എന്നിങ്ങനെയാണ് തലപ്പലം പഞ്ചായത്തിലെ കക്ഷിനില.

യുഡിഎഫിന് കേവലഭൂരിപക്ഷം ഇല്ലാത്തതിനാൽ സ്വതന്ത്രൻ ഉൾപ്പെടെ പ്രതിപക്ഷ കക്ഷികൾ വിട്ടുനിന്നതോടെ യോഗം കോറം തികയാതെ മാറ്റിവയ്ക്കുകയായിരുന്നു .നാളെ വീണ്ടും ഇലക്ഷൻ നടത്തും.