മലപ്പുറം: ഹിമാചല്‍ പ്രദേശിലെ ഹമിര്‍പൂര്‍ ജില്ലാ പരിശത്ത് അംഗങ്ങള്‍ മലപ്പുറം ജില്ലാ പഞ്ചായത്ത് സന്ദര്‍ശിച്ചു. ജില്ലാപഞ്ചായത്തിന്റെ പ്രവര്‍ത്തനങ്ങള്‍ നേരില്‍കണ്ട് മനസ്സിലാക്കുന്നതിനും ജില്ലാപഞ്ചായത്ത് നടപ്പിലാക്കിയ വിവിധ പദ്ധതികളെ പറ്റി പഠിക്കുന്നതിനുമാണ് കിലയുടെ നേതൃത്വത്തില്‍ സംഘം ജില്ലാ പഞ്ചായത്തില്‍ എത്തിച്ചേര്‍ന്നത്.
രാജ്യത്തിന് തന്നെ മാതൃകയായ മലപ്പുറം ജില്ലാ പഞ്ചായത്ത് നടപ്പാക്കിയ വിജയഭേരി വിദ്യാഭ്യാസ പദ്ധതി, അക്ഷയ, കിഡിനി വെല്‍ഫെയര്‍ സൊസൈറ്റി, സാക്ഷരതാ തുടര്‍ പ്രവര്‍ത്തനങ്ങള്‍, വിംഗ്‌സ് മലപ്പുറം, മെഗാ ജോബ് ഫെയര്‍, ഭിന്നശേഷി, പരിരക്ഷാ പദ്ധതികള്‍ എന്നിവയെ കുറിച്ച് സംഘം വിവരങ്ങള്‍ ആരാഞു. ജില്ലാ പഞ്ചായത്ത് നടപ്പാക്കിയ വിവിധ പദ്ധതികള്‍ പഠിക്കുന്നതിന്റെ ഭാഗമായി ഹിമാചല്‍ പ്രദേശ് പ്രതിനിധി സംഘം ജില്ലാ പഞ്ചായത്തിന് കീഴിലുള്ള വിവിധ ജില്ലാ ആശുപത്രികള്‍, കൃഷി ഫാമുകള്‍, സ്‌കൂളുകള്‍ എന്നിവിടങ്ങളിലും നിറപൊലി ഫാം മേളയുടെ ഭാഗമായി ഒരുക്കിയ ചുങ്കത്തറ ഫാമിലും ഹമിര്‍പൂര്‍ ജില്ലാ പരിശത്ത് അംഗങ്ങള്‍ സന്ദര്‍ശിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.