ഇടപ്പള്ളി: ഞായറാഴ്ച നടക്കുന്ന ഇടപ്പള്ളി ശുകപുരം കുളങ്കര താലപ്പൊലി മഹോത്സവത്തിൻ്റെ സുഗമമായ നടത്തിപ്പിനായി പോലീസ് ഗതാഗത നിയന്ത്രണ നിർദേശം നൽകി. ഞായറാഴ്ച ഉച്ചതിരിഞ്ഞ് നടക്കുന്ന പരിപാടിയിൽ വട്ടംകുളം, എടപ്പാൾ മേഖലകളിലെ ഗതാഗതത്തിൽ ചില മാറ്റങ്ങൾ അനിവാര്യമായതിനാലാണ് ഈ നിയന്ത്രണം എന്ന് അധികൃതർ പറഞ്ഞു.
ഞായറാഴ്ച ഉച്ചയ്ക്ക് രണ്ട് മണി മുതൽ വട്ടംകുളം, എടപ്പാൾ ഭാഗങ്ങളിൽ സമ്പൂർണ ഗതാഗത നിയന്ത്രണം ഉണ്ടാകും. സംസ്ഥാനപാതയിലൂടെ വരുന്ന ബസുകൾ ടൗണിൽ പ്രവേശിക്കാ തെ മേൽപ്പാലം വഴി പോകണം . പട്ടാമ്പി റോഡ് വഴി വരുന്ന വാഹനങ്ങൾ വട്ടക്കുളം, പഞ്ചായത്ത് ഓഫീസ്, കുറ്റിപ്പാല, നടുവട്ടം വഴി തൃശൂർ റോഡിലേക്ക് കയറണം . പൊന്നാനി ഭാഗത്തേക്കുള്ള വാഹനങ്ങൾ നടുവട്ടം ജങ്ഷനിൽനിന്ന് അയിലക്കാട്, അംശക്കച്ചേരി വഴിയുംതിരിച്ചുവിടും .
പൊന്നാനിക്കുള്ളവ നടുവട്ടത്തുനിന്ന് അയിലക്കാട്, അംശക്കച്ചേരി വഴിയും കുറ്റിപ്പുറം ഭാഗത്തെ ക്കുള്ളവർ എടപ്പാൾ മേൽപ്പാലം വഴിയും പോകണം.
പൊന്നാനിയിൽ നിന്ന് കുറ്റിപ്പുറം, തൃശൂർ ഭാഗത്തേക്ക് പോകുന്ന വാഹനങ്ങൾക്ക് നിയന്ത്രണമില്ല.
ക്ഷേത്രാചാരപ്രകാരം വരവുകാഴ്ചകളൊന്നും നടപ്പുരയിൽ കയറാതെ ദേവീദർശനം നടത്തണമെന്നും കമ്മിറ്റി നൽകുന്ന സമയക്രമം പാലിച്ച് രാത്രി ഒൻപതിനു മുൻപ് എല്ലാ വരവുകമ്മിറ്റികളും ക്ഷേത്രമുറ്റം വിടണമെന്നും പോലീസ് അറിയിച്ചു.
എടപ്പാൾ-വട്ടംകുളം റോഡിൽ ഗതാഗതതടസ്സമുണ്ടാക്കുംവിധം റോഡുകളിൽ കച്ചവടമനുവദിക്കില്ലെന്നും സി.ഐ. എസ്. ഷൈൻ, എസ്.ഐ. സി.പി. റോബർട്ട് എന്നിവർ അറിയിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ 🔰Dailymalayaly യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.