വന്ദേഭാരത് ട്രെയിനിൽ മതസ്പർധയോടെ സംസാരിച്ചു; കോട്ടയം സ്വദേശി അറസ്റ്റിൽ

തൃശൂർ: വന്ദേഭാരത് ട്രെയിനിൽ സഹയാത്രക്കാരോടു മതസ്പർധയുടെ ചുവയോടെ സംസാരിച്ചതിനു കോട്ടയം സ്വദേശി അറസ്റ്റിൽ.

ബ്രിട്ടിഷ് പൗരത്വമുള്ള ആനന്ദ് മാത്യുവാണ് തൃശൂർ സ്റ്റേഷനിൽ റെയിൽവേ പൊലീസിന്റെ പിടിയിലായത്. കണ്ണൂരിലേക്കു പോകുകയായിരുന്ന ദമ്പതികൾക്കു നേരെയായിരുന്നു വിദ്വേഷമുണ്ടാക്കുന്ന വിധത്തിൽ സംസാരിച്ചത്.

ട്രെയിൻ തൃശൂരിൽ നിർത്തിയപ്പോൾ ദമ്പതികൾ അറിയിച്ചതു പ്രകാരം പൊലീസ് എത്തി ഇയാളെ കസ്റ്റഡിയിലെടുത്തു.

കണ്ണൂരിൽ ട്രെയിനിറങ്ങിയശേഷം ദമ്പതികൾ രേഖാമൂലം പരാതി നൽകി. പ്രതിക്കു പിന്നീടു ജാമ്യം ലഭിച്ചു.