കോട്ടയം : കായംകുളം എംഎൽഎ പ്രതിഭയുടെ മകനെ ലഹരി കേസിൽ എക്സൈസ് സംഘം പിടികൂടിയ സംഭവത്തിൽ ലഹരി ഉപയോഗത്തെ നിസ്സാരവൽക്കരിച്ചു പ്രസ്താവന നടത്തിയ മന്ത്രി സജി ചെറിയാനെ ആദ്യം വൈദ്യ പരിശോധനയ്ക്കു വിധേയമാക്കണമെന്ന് എൻ. ഹരി.
കേരളത്തിൽ യുവാക്കൾക്കിടയിൽ കഞ്ചാവ് ഉൾപ്പെടെയുള്ള ലഹരിഉപയോഗവും വിൽപ്പനയും വ്യാപകമാകുന്നുവെന്ന റിപ്പോർട്ടുകൾക്ക് ഇടയിലാണ് മന്ത്രി പരിഹസിക്കുന്ന രീതിയിൽ പ്രതികരിച്ചത്.
ലഹരി ഉപയോഗിക്കുന്നവരെ ഉപദേശിച്ചു വിടുകയായിരുന്നു എക്സൈസ് ചെയ്യേണ്ടിയിരുന്നത് എന്നാണ് മന്ത്രിയുടെ പരസ്യ പ്രസ്താവന. പാർട്ടി എം.എൽഎയുടെ മകൻ കുറ്റകൃത്യം ചെയ്താലും അതിനെ ന്യായീകരിക്കുന്നത് ഏതുതരം മാനസികാവസ്ഥയാണ്.
യാതൊരു അടിസ്ഥാനവും ഇല്ലാത്ത മന്ത്രിയുടെ മുൻ പ്രസ്താവനകൾ പലതും അദ്ദേഹം ലഹരിക്ക് അടിമയാണോ എന്ന സംശയം ജനിപ്പിക്കുന്നതാണ്.ഭരണഘടനാവിരുദ്ധ പ്രസംഗവും കേരളത്തിൽ എന്തിനാ നെൽകൃഷി,തമിഴ്നാട്ടിൽ നിന്ന് വാങ്ങിയാൽ പോരേ തുടങ്ങിയ പ്രസ്താവനകളും അദ്ദേഹത്തിൻറെ സ്ഥിരതയിൽ തന്നെ സംശയം തോന്നുന്നതാണ്.
ഇവരെ പിടികൂടിയ കുട്ടനാട് എക്സൈസ് സംഘത്തിലെ പ്രധാന ഉദ്യോഗസ്ഥനെ സ്ഥലം മാറ്റിയതതിലൂടെ മുഖ്യമന്ത്രിയും സജി ചെറിയാനും നൽകുന്ന സന്ദേശം എന്താണ്. മുഖം നോക്കി നടപടിയെടുക്കണം അല്ലെങ്കിൽ ശിക്ഷണ നടപടി നേരിടണമെന്നല്ലേ.ഉദ്യോഗസ്ഥലം മനോവീര്യം തകർക്കുന്ന ഈ നടപടി ലഹരി മാഫിയക്ക് കരുത്ത് പകരുന്നതാണ്.
ലഹരിക്കെതിരെ പൊതു സമൂഹത്തിൽ പോരാട്ട മുഖവുമായി നിൽക്കുന്ന സിപിഎമ്മിന്റെ യുവജന വിദ്യാർത്ഥി സംഘടനകൾക്ക് മന്ത്രി സജി ചെറിയാന്റെ നിലപാട് തന്നെയാണോ എന്ന് അറിയാൻ താൽപര്യമുണ്ട്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ 🔰Dailymalayaly യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.