ജനുവരി 22ന് പ്രഖ്യാപിച്ച സർക്കാർ ജീവനക്കാരുടെ പണിമുടക്കിന് തടയിടാൻ സർക്കാർ; ഡയസ്നോൺ പ്രഖ്യാപിച്ചു

തിരുവനന്തപുരം: ജനുവരി 22ന് പ്രഖ്യാപിച്ച ഒരു വിഭാഗം സർക്കാർ ജീവനക്കാരുടെ പണിമുടക്കിന് തടയിടാൻ സർക്കാർ.

അന്നേ ദിവസം ഡയസ്നോൺ പ്രഖ്യാപിച്ചാണ് പണിമുടക്ക് പൊളിക്കാൻ സർക്കാർ നീക്കം.

പണിമുടക്കുന്ന ജീവനക്കാരുടെ ഒരു ദിവസത്തെ ശമ്പളം ഫെബ്രുവരിയിലെ ശമ്പളത്തിൽ നിന്ന് കുറയ്ക്കുമെന്ന് ഉത്തരവിൽ പറയുന്നു.

അനധികൃത അവധികൾ ഡയസ്നോൺ ആയി കണക്കാക്കാനും തീരുമാനമായി.