പുതിയ ജോലിക്കായെത്തി അഞ്ചാം ദിനം ഹൃദയാഘാതം; പത്തനംതിട്ട സ്വദേശിക്ക് ഒമാനിൽ ദാരുണാന്ത്യം,

മസ്കറ്റ്: ഹൃദയാഘാതത്തെ തുടര്‍ന്ന് മലയാളി ഒമാനില്‍ മരിച്ചു. പത്തനംതിട്ട ചിറ്റാർ നീലിപിലാവ് താഴത്തേതില്‍ ശശി(58) ആണ് ഒമാനിലെ ആശുപത്രിയില്‍ മരിച്ചത്.

പുതിയ ജോലിക്കായി ഒമാനില്‍ എത്തി അഞ്ചാം ദിവസമാണ് ശശിക്ക് താമസ സ്ഥലത്ത് വെച്ച്‌ ഹൃദയാഘാതം ഉണ്ടായത്. 

ഉടൻ തന്നെ ഇദ്ദേഹത്തെ ആശുപത്രിയില്‍ എത്തിച്ചിരുന്നു. കഴിഞ്ഞ കുറച്ചു ദിവസമായി ഒമാനിലെ ആശുപത്രിയില്‍ തീവ്ര പരിചരണ വിഭാഗത്തില്‍ ചികിത്സയിലായിരുന്നു.

അടിയന്തര ശാസ്ത്രക്രിയ നടത്തിയെങ്കിലും ജീവൻ രക്ഷിക്കാനായില്ല. രോഗവിവരം അറിഞ്ഞ് ദുബൈയില്‍ ജോലി ചെയ്യുന്ന ഭാര്യ സ്മിതയും നാട്ടില്‍ നിന്നും മകൻ ശരത്തും ഒമാനില്‍ എത്തിയിരുന്നു.