മൂതൂർ കല്ലാനിക്കാവ് ഭഗവതി ക്ഷേത്ര താലപ്പൊലി മഹോത്സവം: ആരോഗ്യ വകുപ്പിന്റെ ശുചിത്വ പരിശോധന

മലപ്പുറം: മൂതൂർ കല്ലാനിക്കാവ് ഭഗവതി ക്ഷേത്ര താലപ്പൊലി മഹോത്സവത്തിൻ്റെ ഭാഗമായി ക്ഷേത്ര പരിസരത്തുള്ള താൽക്കാലിക കച്ചവട സ്ഥാപനങ്ങളിൽ ആരോഗ്യ വകുപ്പ് ശുചിത്വ പരിശോധന നടത്തുകയുണ്ടായി.

പരിശോധനയിൽ പൂരപലഹാര കേന്ദ്രങ്ങൾ, പൊരിക്കടി വിൽപ്പന കേന്ദ്രങ്ങൾ, ലഘുഭക്ഷണശാലകൾ, ഐസ്ക്രീം  വിൽപ്പന കേന്ദ്രങ്ങൾ, കുടിവെള്ളത്തിന്റെ ശുചിത്വം, ഹെൽത്ത് കാർഡുകളുടെ പ്രാപ്യത, പരിസര ശുചിത്വം തുടങ്ങിയവ ഉൾപ്പെടുത്തി വിശദമായ പരിശോധന നടന്നു.

പരിശോധനയ്ക്ക് വട്ടംകുളം കുടുംബാരോഗ്യ കേന്ദ്രത്തിലെ ഹെൽത്ത് ഇൻസ്പെക്ടർ സി. സജീവ് കുമാറിൻ്റെ നേതൃത്വത്തിൽ കെ. സി. മണിലാൽ, എം. പി. രേഖ, രേഷ്മ പ്രവീൺ, സതീഷ് അയ്യാപ്പിൽ, പി. പി. രജിത എന്നിവരും സജീവമായി പങ്കെടുത്തു.

മഹോത്സവത്തിനു അനുബന്ധമായി പൊതുജനാരോഗ്യത്തിന് പ്രാധാന്യം നൽകുന്ന ശുചിത്വ നടപടികൾ ഭക്ഷ്യ വിഷബാധ പോലുള്ള ദുരന്തങ്ങൾ ഒഴിവാക്കാൻ ഒരു പരിധിവരെ വഴിവെക്കും എന്ന് വിലയിരുത്തപ്പെടുന്നു.