സൂറത്ത് : ഒരുമിച്ച് ആത്മഹത്യ ചെയ്യാന് കെട്ടിടത്തിന് മുകളില് കയറിയ കമിതാക്കള് താഴേയ്ക്ക് ചാടിയപ്പോള് കാമുകിയെ കൈവിട്ട് മരിക്കാന്വിട്ട് കാമുകന്.
ഒന്നരമാസം ഗര്ഭിണിയായ 17 കാരിയെ ഗുരുതരാവസ്ഥയില് ആശുപത്രിയില് പ്രവേശിപ്പിച്ചിരിക്കുകയാണ്. ഗോഹിലിനെതിരേ പോലീസ് ബലാത്സംഗത്തിന് പോക്സോ വകുപ്പിട്ട് അന്വേഷണം തുടങ്ങി ഇരയുടെ സഹോദരിയുടെ പരാതിയിലാണ് നടപടി. സൂറത്തിലെ എംബ്രോയ്ഡറി യൂണിറ്റുകളില് ജോലി ചെയ്യുന്ന ഇരുവരും തമ്മില് പരിചയപ്പെട്ടത് ഒരു വര്ഷം മുമ്പ് ഇന്സ്റ്റാഗ്രാം വഴിയാണ്.
രണ്ടുപേരും പിന്നീട് സുഹൃത്തുക്കളാകുകയും ഇരയെ ഒരിക്കല് യുവാവ് തന്റെ വീട്ടിലെത്തിച്ച് വിവാഹം കഴിക്കാമെന്ന് വാഗ്ദാനം നല്കി ശാരീരികബന്ധത്തിന് ഇരയാക്കുകയും ചെയ്തു. ഏതാനും ദിവസങ്ങള് കഴിഞ്ഞപ്പോഴാണ് യുവാവിന്റെ വിവാഹനിശ്ചയം മറ്റൊരു പെണ്കുട്ടിയുമായി കഴിഞ്ഞെന്ന് പെണ്കുട്ടി അറിയുന്നത്.
തുടര്ന്ന് പെണ്കുട്ടി ഇയാള് താമസിക്കുന്ന സഹോദരിയുടെ എംബ്രോയ്ഡറി യൂണിറ്റ് നടത്തുന്ന കെട്ടിടത്തില് എത്തുകയും രണ്ടുപേരും തമ്മില് വാഗ്വാദങ്ങള് നടത്തുകയും ചെയ്തു. കഴിഞ്ഞ ദിവസം രാവിലെ 10.30 യോടെ രണ്ടുപേരും കൈകോര്ത്ത് കെട്ടിടത്തിന്റെ മൂന്നാമത്തെ നിലയിലേക്ക് പോയി.
ഈ സമയത്ത് പെണ്കുട്ടി വാതില് അടച്ച് കുറ്റിയിടുകയും ചെയ്തു. സഹോദരി ഉടന് അടുത്തു താമസിക്കുന്ന മറ്റൊരാളെ വിളിക്കുകയും എന്നാല് ഇവര് എത്തുന്നതിന് മുമ്പായി പെണ്കുട്ടി താഴേയ്ക്ക് ചാടുകയും ചെയ്തു. ഗോഹില് ഉടന് തന്നെ ഓടി താഴെയെത്തുകയും ചെയ്തു.
മുഖത്തും പുറത്തും ഗുരുതരമായി പരിക്കേറ്റ പെണ്കുട്ടിയെ ഉടന് തന്നെ സഹോദരി ആംബുലന്സില് ആശുപത്രിയില് എത്തിച്ചു അവിടെ നടത്തിയ പരിശോധനയിലാണ് പെണ്കുട്ടി ഒന്നരമാസം ഗര്ഭിണിയാണെന്ന് കണ്ടെത്തിയത്.
ഇരയുടെ മൊഴിയും സഹോദരിയുടെ മൊഴിയും എടുത്തിട്ടുണ്ട്. ഗോഹിലിനെതിരേ പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ചതിനും ഗര്ഭിണിയാക്കിയതിനും വരാച്ച പോലീസ് കേസെടുത്തു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.