"ഡല്‍ഹിയ്ക്ക് ഗുണകരം"തിരഞ്ഞെടുപ്പിനുള്ള ബിജെപിയുടെ രണ്ടാമത്തെ പ്രകടന പത്രിക

ഡൽഹി തിരഞ്ഞെടുപ്പിനുള്ള ബിജെപിയുടെ രണ്ടാമത്തെ പ്രകടന പത്രിക ചൊവ്വാഴ്ച പുറത്തിറക്കി. 

വരാനിരിക്കുന്ന ഡൽഹി തെരഞ്ഞെടുപ്പിനുള്ള രണ്ടാം പ്രകടന പത്രിക പുറത്തിറക്കിയ ബിജെപി ചൊവ്വാഴ്ച വിദ്യാർത്ഥികളെ ലക്ഷ്യമിട്ട് നിരവധി തിരഞ്ഞെടുപ്പ് വാഗ്ദാനങ്ങൾ പ്രഖ്യാപിച്ചു .

രാജ്യതലസ്ഥാനത്ത് അധികാരത്തിലെത്തിയാൽ മത്സര പരീക്ഷാ ഉദ്യോഗാർത്ഥികൾക്ക് 15,000 രൂപ ധനസഹായം, ബിരുദാനന്തര ബിരുദം വരെയുള്ള സൗജന്യ വിദ്യാഭ്യാസം എന്നിവയാണ് പ്രധാന വാഗ്ദാനങ്ങൾ. നിർധനരായ വിദ്യാർത്ഥികൾക്ക് ബിരുദാനന്തര ബിരുദം വരെ സൗജന്യ വിദ്യാഭ്യാസം ഉറപ്പാക്കുമെന്നും പാർട്ടി വാഗ്ദാനം ചെയ്തു.

ഓട്ടോ, ടാക്‌സി ഡ്രൈവർമാരുടെ മക്കൾക്ക് സ്‌കോളർഷിപ്പും പട്ടികജാതി വിഭാഗത്തിൽപ്പെട്ട വിദ്യാർഥികൾക്ക് പ്രതിമാസം 1000 രൂപ സ്‌റ്റൈപ്പൻഡും ബിജെപി വാഗ്ദാനം ചെയ്തു.

വീട്ടുജോലിക്കാർക്കായി ക്ഷേമനിധി ബോർഡ് രൂപീകരിക്കുമെന്നും അവർക്ക് 10 ലക്ഷം രൂപയുടെ ലൈഫ് ഇൻഷുറൻസ്, 5 ലക്ഷം രൂപയുടെ അപകട ഇൻഷുറൻസ്, അവരുടെ മക്കൾക്ക് സ്‌കോളർഷിപ്പ്, ആറ് മാസത്തെ ശമ്പളത്തോടുകൂടിയ പ്രസവാവധി എന്നിവയും ബിജെപി പ്രകടനപത്രികയിൽ വാഗ്ദാനം ചെയ്തിട്ടുണ്ട്.

ഓട്ടോ-ടാക്സി ഡ്രൈവർമാർക്ക് ക്ഷേമനിധി ബോർഡ്, 10 ലക്ഷം രൂപയുടെ ലൈഫ് ഇൻഷുറൻസ്, 5 രൂപയുടെ അപകട ഇൻഷുറൻസ്, വാഹന ഇൻഷുറൻസ്, അവരുടെ മക്കൾക്ക് സ്കോളർഷിപ്പ് എന്നിവയും പാർട്ടി വാഗ്ദാനം ചെയ്തു.

ഡൽഹി ബിജെപി പ്രകടനപത്രികയിൽ പട്ടികജാതി വിദ്യാർത്ഥികൾക്ക് 'ഡോ ബിആർ അംബേദ്കർ സ്റ്റൈപ്പൻഡ് സ്കീമിന് കീഴിൽ പ്രതിമാസം 1,000 രൂപ സ്റ്റൈപ്പൻഡ് വാഗ്ദാനം ചെയ്തിട്ടുണ്ട്.

പ്രകടന പത്രിക പ്രകാശന ചടങ്ങിൽ മന്ത്രി അനുരാഗ് താക്കൂർ പറഞ്ഞു, “ഞങ്ങളുടെ സർക്കാർ രൂപീകരിച്ചാൽ, ആരോഗ്യം, ഗതാഗതം, വൈദ്യുതി, വെള്ളം, ഗതാഗതം തുടങ്ങിയ പ്രശ്‌നങ്ങൾ ഞങ്ങൾ പരിഹരിക്കും. ജനങ്ങൾക്ക് മികച്ച ഇന്നും നല്ല നാളെയും നൽകാൻ ഞങ്ങൾ ശ്രമിക്കും.