ലഖ്നൗ: സംഘർഷമുണ്ടായ സംഭലില് ജുഡീഷ്യല് കമ്മീഷൻ പരിശോധന നടത്തി. കനത്ത സുരക്ഷയിലാണ് മുൻ ഹൈക്കോടതി ജഡ്ജിയുടെ നേതൃത്ത്വത്തിലുള്ള മൂന്നംഗ സംഘം സംഭലിലെത്തിയത്.
സംഘർഷത്തെ കുറിച്ച് അന്വേഷിക്കാൻ ഉത്തർപ്രദേശ് ഗവർണർ ആനന്ദിബെൻ പട്ടേലാണ് ജുഡീഷ്യല് കമ്മീഷനെ നിയോഗിച്ചത്. മുൻ അലഹബാദ് ഹൈക്കോടതി ജഡ്ജി ദേവേന്ദ്ര അറോറ. മുൻ ഐഎഎസ് ഉദ്യോഗസ്ഥൻ അമിത് മോഹൻ, മുൻ ഐപിഎസ് ഉദ്യോഗസ്ഥൻ അരവിന്ദ് കുമാർ ജെയിൻ എന്നിവരാണ് സംഭലിലെത്തി പരിശോധന നടത്തിയത്. സർവേക്കിടെ പൊലീസിന് നേരെ കല്ലേറുണ്ടായതും തുടർന്ന് വെടിവയ്പ്പില് 5 പേർ കൊല്ലപ്പെതും സംബന്ധിച്ചുള്ള അന്വേഷണ റിപ്പോർട്ട് സംഘം ഗവർണർക്ക് സമർപ്പിക്കും.സന്ദർശനത്തിന്റെ പശ്ചാത്തലത്തില് സംഭലില് കനത്ത സുരക്ഷയാണ് ഏർപ്പെടുത്തിയത്. സംഭലില് സമാധാനം ഉറപ്പാക്കാൻ കഴിഞ്ഞ ദിവസം നിർദേശിച്ച സുപ്രീം കോടതി മസ്ജിദില് സർവേയ്ക്ക് ഉത്തരവിട്ട ജില്ലാ കോടതിയുടെ തുടർ നടപടികള് താല്ക്കാലികമായി തടഞ്ഞിരുന്നു.
പിന്നാലെയാണ് ജുഡീഷ്യല് കമ്മീഷൻ നടപടികള് ഊർജിതമാക്കിയത്. അതേസമയം സ്ജിദില് സർവേക്കുത്തരവിട്ട സംഭല് ജില്ലാ കോടതിയിലാണ് ആർക്കിയോളജിക്കല് സർവേ ഓഫ് ഇന്ത്യ നിലപാടറിയിച്ചത്.
ഷാഹി ജമാ മസ്ജിദ് സംരക്ഷിത പൈതൃക സ്വത്തായി 1920 ല് വിജ്ഞാപനം ഇറക്കിയതാണ്, മസ്ജിദിലേക്ക് പൊതുജനങ്ങളുടെ പ്രവേശനം നിയന്ത്രിക്കണം, സർവേ നടപടിള് നേരത്തെയും മസ്ജിദ് കമ്മറ്റി എതിർത്തിട്ടുണ്ട്, അനുമതി കൂടാതെ നിർമ്മാണ പ്രവർത്തനങ്ങള് നടത്തിയതിന് മസ്ജിദ് കമ്മറ്റിക്കെതിരെ കേസെടുത്തിട്ടുണ്ടെന്നും എഎസ്ഐ കോടതിയില് സമർപ്പിച്ച മറുപടിയിലുണ്ട്. അതിനിടെ വിഷയത്തിൽ പ്രതിഷേധം കടുപ്പിക്കുകയാണ് പ്രതിപക്ഷം. പോലീസ് വെടിവയ്പ്പിൽ കൊല്ലപ്പെട്ട 5 യുവാക്കളുടെ കുടുംബത്തിന് സമാജ് വാദി പാർട്ടി 5 ലക്ഷം വീതം സഹായധനം പ്രഖ്യാപിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.