മദ്യപാനത്തെ തുടര്‍ന്ന് തര്‍ക്കം, തിരുവനന്തപുരത്ത് യുവാവിനെ നടുറോഡില്‍ വെട്ടി പരിക്കേല്‍പ്പിച്ചു; ഗുരുതര പരിക്ക് സിസിടിവി ദൃശ്യങ്ങള്‍ പുറത്ത്,

 തിരുവനന്തപുരം: തിരുവനന്തപുരം വെഞ്ഞാറമൂട് കാവറയില്‍ മദ്യപാനത്തെ തുടർന്നുണ്ടായ തകർക്കത്തിനിടെ യുവാവിനെ നടുറോഡില്‍ വെട്ടിപരിക്കേല്‍പ്പിച്ചു.

ഓട്ടോഡ്രൈവറായ രഞ്ജിത്തിനാണ് വെട്ടേറ്റത്. ഇന്നലെയാണ് സംഭവം. പച്ചക്കറി കച്ചവടക്കാരനായ പ്രസാദ് എന്നയാളാണ് രഞ്ജിത്തിനെ ആക്രമിച്ചതെന്നാണ് പൊലീസിന് ലഭിച്ച സൂചന.

സംഭവത്തിന്‍റെ സിസിടിവി ദൃശ്യങ്ങള്‍ പുറത്തുവന്നു. രഞ്ജിത്തിന്‍റെ കഴുത്തിലും നെഞ്ചിലും വെട്ടേറ്റത്. ഇയാള്‍ തിരുവനന്തപുരം മെഡിക്കല്‍ കോളേജ് ആശുപത്രിയില്‍ ചികിത്സയിലാണ്.

അതേസമയം, പൊലീസില്‍ പരാതി ലഭിച്ചിട്ടില്ല. രണ്ടു പേര്‍ ചേര്‍ന്ന് പരസ്പരം ആക്രമിക്കുന്നതും ഇതിനിടെ ഒരു സ്ത്രീ വന്ന് തടയാൻ ശ്രമിക്കുന്നതുമാണ് സിസിടിവി ദൃശ്യത്തിലുള്ളത്.