ഗുരുവായൂരപ്പന് വഴിപാടായി ഭക്തന്റെ വക ; 38.93 പവൻ തൂക്കമുള്ള,സ്വര്‍ണ നിവേദ്യക്കിണ്ണം; വില 25 ലക്ഷം രൂപ..!

തൃശൂർ : ഗുരുവായൂരപ്പന് വഴിപാടായി സ്വർണ നിവേദ്യക്കിണ്ണം സമർപ്പിച്ച്‌ ചെന്നൈ സ്വദേശി. നിവേദ്യക്കിണ്ണത്തിന് മൂന്നൂറ്റി പതിനൊന്നര ഗ്രാം തൂക്കം വരും.

ചെന്നൈ അമ്പത്തൂർ സ്വദേശി എം.എസ്. പ്രസാദാണ് വഴിപാട് സമർപ്പണം നടത്തിയത്. ഗുരൂവായൂരപ്പന്റെ സോപാനത്ത് സ്വ‌ർണക്കിണ്ണം സമർപ്പിക്കുകയായിരുന്നു. 38.93 പവൻ തൂക്കം വരുന്ന ഇതിന് 25 ലക്ഷം രൂപ വില വരും.

ക്ഷേത്ര ഡെപ്യുട്ടി അഡിമിനിസ്ട്രേറ്റർ പ്രമോദി കളരിക്കല്‍ സ്വർണക്കിണ്ണം ഏറ്റുവാങ്ങി. ക്ഷേത്രം അസിസ്റ്റന്റ് മാനേജർ കെ.കെ. സുഭാഷ്, പ്രസാദിന്റെ കുടുംബാംഗങ്ങള്‍ എന്നിവർ പങ്കെടുത്തു.

വഴിപാടുകാർക്ക് ഗുരുവായൂരപ്പന് ചാർത്തിയ കളഭം, പട്ട്, കദളിപ്പഴം, തിരുമുടി മാല, പഞ്ചസാര എന്നിവ അടങ്ങിയ പ്രസാദങ്ങള്‍ ക്ഷേത്രം ഡെപ്യൂട്ടി അഡ്മിനിസ്ട്രേറ്റർ നല്‍കി,