എടപ്പാൾ , ശ്രി ശുകപുരം ദക്ഷിണാമൂർത്തി ക്ഷേത്രം

മലപ്പുറം ജില്ലയിൽ എടപ്പാളിനടുത്തുള്ള ശുകപുരം ഗ്രാമത്തിൽ സ്ഥിതിചെയ്യുന്ന അതിപുരാതനവും, മഹത്തരവുമായ ക്ഷേത്രമാണ് ശ്രി ശുകപുരം ദക്ഷിണാമൂർത്തി ക്ഷേത്രം .

ശുകപുരം ക്ഷേത്രം ഇന്ത്യയിലെ തന്നെ പ്രധാനപ്പെട്ട ദക്ഷിണാമൂർത്തി ക്ഷേത്രങ്ങളിൽ ഒന്നാണ് .മലബാർ ദേവസ്വം ബോർഡിന്റെ കീഴിൽ ഉള്ള ഈ ക്ഷേത്രത്തിനു 3500 ൽ പരം വർഷങ്ങളുടെ പഴക്കം ഉണ്ടെന്നാണ് വിശ്വസിക്കുന്നത് .വലിയ ശ്രീകോവിലിൽ കരിങ്കല്ലിൽ തീർത്ത രണ്ടു തട്ടുകളുണ്ട് .

ക്ഷേത്രത്തിലെ പ്രധാന പ്രതിഷ്ഠ , ശ്രീ ദക്ഷിണാമൂർത്തിയാണ് .വലതു ഭാഗത്ത് ഗണപതി, കിഴക്കോട്ട് തിരിഞ്ഞു ശിവൻ .ശിവന്റെ വടക്കുഭാഗത്ത് പാർവതി ദേവി .എന്നിങ്ങനെയാണ് മറ്റു പ്രതിഷ്ഠകൾ .ആറടിയോളം വലിപ്പം ഉള്ള ശിവലിംഗം ഇവിടുത്തെ മറ്റൊരു പ്രത്യേകതയാണ് .

ആയുർവേദം, ധനുർവേദം, ഗന്ധർവ്വവേദം (നാട്യശാസ്ത്രം, സംഗീത സാരസംഗ്രഹം), ശിൽപശാസ്ത്രം, ജ്യോതിഷശാസ്‌ത്രം തുടങ്ങി ഇതുവരെ അറിയപ്പെട്ടതും അറിയാത്തതും ഇനിയും മനുഷ്യർ ഉപയോഗിച്ചിട്ടില്ലാത്തതുമായ അസംഖ്യം വിജ്ഞാനശാഖകളുടെ വിജ്ഞാനത്തിൻ്റെയും പഠനത്തിൻ്റെയും വിവിധ ശാഖകളുടെ പരമഗുരുവാണ് ശ്രീ ദക്ഷിണാമൂർത്തി. 

ഗുരുവായൂർ ക്ഷേത്രം, ശബരിമല തുടങ്ങിയ മഹാക്ഷേത്രങ്ങളിലെ നിരവധി പണ്ഡിതന്മാരുടെയും പൂജാരിമാരുടെയും ഗ്രാമക്ഷേത്രമാണ് ഈ ക്ഷേത്രം. വേദജപത്തിൻ്റെയും ശിവശക്തിയുടെയും നിധി ശേഖരമാണ് ക്ഷേത്രത്തെ അത്യപൂർവവും ചൈതന്യവത്തും ആക്കുന്നത് .

സഹസ്രാബ്ദങ്ങൾക്ക് മുൻപ്  മഹാമുനി ശുകമഹർഷി ക്ഷേത്രത്തിൽ പ്രതിഷ്ഠ നടത്തി എന്നാണ് വിശ്വാസം , ദക്ഷിണാമൂർത്തിയെ "വിശ്വഗുരു" എന്ന് സനാതന ധർമ്മത്തിൻ്റെ തത്വമനുസരിച്ച് ആരാധിക്കുകയും പ്രാർത്ഥിക്കുകയും  ചെയ്യുന്ന ലോകത്തിലെ ഏക ക്ഷേത്രമാണിത്. 

ദക്ഷിണാമൂർത്തി, മഹാദേവശക്തിയുടെ സാരാംശം എല്ലാ അറിവുകളുടെയും ഇരിപ്പിടമായും ഉറവിടമായും ഇവിടെ ആരാധിക്കുന്നു.ജീവിതത്തിന്റെ നാനാ തുറകളിൽ ഉള്ളവരും , മെഡിക്കൽ വിദ്യാർഥികൾ മുതൽ ഉള്ള പലമേഖലയിൽ വിദ്യ അർത്ഥിക്കുന്ന പഠിതാക്കളും ദക്ഷിണ മൂർത്തിയെ തങ്ങളുടെ ഇഷ്ടദേവനായി ആരാധിക്കുന്നു . വിജ്ഞാനം, ജ്ഞാനം, കൂർമ്മ ബുദ്ധി  , ഉൾക്കാഴ്ച  എന്നീ തത്വങ്ങൾ തങ്ങളിൽ വന്നു ചേരാനായി ഭക്തർ ദേവനെ പ്രാർത്ഥിക്കുന്നു . 

എടപ്പാൾ ടൗണിൽ നിന്ന് പാലക്കാട് റോഡിൽ ഏകദേശം രണ്ടു കിലോ മീറ്റർ മാറിയാണ് ശുകപുരം ക്ഷേത്രം സ്ഥിതി ചെയ്യുന്നത് . ഗ്രാമീണ ഭംഗിയിൽ കുളിച്ചു നിൽക്കുന്നതും , ചുറ്റും അതിപുരാതനങ്ങളായ വിവിധതരം  വൃക്ഷങ്ങളാൽ ചുറ്റപ്പെട്ട ക്ഷേത്രപ്പറമ്പും ,അതിന്റെ വിശാലതയും   ഭക്തർക്ക് വളരെ ശാന്തമായ ഒരന്തരീക്ഷം തന്നെയാണ് ഒരുക്കിയിട്ടുള്ളത് .   

ക്ഷേത്രത്തിൽ പ്രവേശിക്കുമ്പോൾ തന്നെ അതിപുരാതനവും മഹത്തരവുമായ ഒരു പുണ്ണ്യസ്ഥലത്ത് എത്തി എന്ന ഒരു പ്രതീതി ഭക്തർക്ക് പ്രദാനം ചെയ്യുന്നു .  

  ഇന്ത്യയിലെ മറ്റേതൊരു ചരിത്രപരവും മതപരവുമായ സ്മാരകങ്ങളെപ്പോലെ ശുകപുരം ദക്ഷിണാമൂർത്തി ക്ഷേത്രവും കാലത്തിൻ്റെ ഏറ്റവും കഠിനമായ പരീക്ഷണങ്ങൾ നേരിട്ടു.

ക്ഷേത്രത്തിൻ്റെ ആത്മീയ,  സാംസ്കാരിക പൈതൃകവും ക്ഷേത്ര ചരിത്രവും പ്രചരിപ്പിച്ച്, ക്ഷേത്രാചാരങ്ങളുടെ  വൈദിക ചരിത്രത്തെ സംരക്ഷിക്കാനും അഭിവൃദ്ധിപ്പെടുത്താനും ലക്ഷ്യമിട്ട് പ്രവൃത്തിക്കുന്ന  ശുകപുരം ദക്ഷിണാമൂർത്തി വൈദിക, താന്ത്രിക ട്രസ്റ്റ് വളരെ കാര്യക്ഷമമായി ഇവിടെ പ്രവർത്തിക്കുന്നു . 

ഋഗ്വേദ ലക്ഷാർച്ചന

2024 ഡിസംബർ 8 മുതൽ 15 ആം തിയ്യതി വരെ ക്ഷേത്രത്തിൽ  ഋഗ്വേദ ലക്ഷാർച്ചന യജ്ഞം നടക്കുകയാണ് 

ക്ഷേത്രദർശനവും  ക്ഷേത്രം പ്രതിഷ്ഠിക്കപ്പെട്ടതും നിലനിൽക്കുന്നതുമായ  അറിവും സന്ദേശവും പ്രചരിപ്പിക്കുന്നതിലൂടെയും  മറഞ്ഞിരിക്കുന്ന പൗരാണിക രത്നത്തിൻ്റെ പുരോഗതിക്കു  നിർണായകവും സുപ്രധാനവുമായ പങ്ക് വഹിക്കാൻ ഓരോ ഭക്തനും കഴിയുമെന്ന് ഞങ്ങൾ വിശ്വസിക്കുകയും ആഗ്രഹിക്കുകയും ചെയ്യുന്നു, അത് ഇനിപ്പറയുന്ന ധ്യാനത്തിൽ നിന്ന് വ്യക്തമാണ്. 

"മൗനവാക്യപ്രകടിത പരാ ബ്രഹ്മ തത്വം യുവനം

വർഷിഷ്ഠാന്തേ വസാദ് ഋഷിഗണൈഃ രാവൃതം ബ്രഹ്മ നിഷ്ടൈഃ

ആചാര്യേന്ദ്രം കര കലിത ചിന്മുദ്രം ആനന്ദരൂപം സ്വാത്മരമുദിതവദനം ദക്ഷിണാമൂർത്തിമീഡേ."

"ഗുരവേ സർവ ലോകാനാം ഭിഷജേ ഭവരോഗിണം

നിധയേസർവവിദ്യാനാം ദക്ഷിണാമൂർത്തയേ നമ:" 

ശ്രി ശുകപുരം ദക്ഷിണാമൂർത്തി ക്ഷേത്രം , കുറ്റിപ്പുറം റെയിൽവേ സ്റ്റേഷനിൽ നിന്നും 14 കിലോ മീറ്റർ ദൂരത്ത് എടപ്പാളിൽ സ്ഥിതി ചെയ്യുന്നു  . തൃശൂരിൽ നിന്നും , ഗുരുവായൂർ ക്ഷേത്രത്തിൽ നിന്നും ഒരുമണിക്കൂറിൽ താഴെ ഡ്രൈവ് ചെയ്താൽ   ക്ഷേത്രത്തിൽ എത്താവുന്നതാണ് . 

ഇന്ത്യയിൽ ഏറ്റവും അധികം അറിയപ്പെടേണ്ടതും    പുരാതനമായതുമായ  ക്ഷേത്രങ്ങളിൽ ഒന്നാണ് ശുകപുരം ദക്ഷിണാമൂർത്തി ക്ഷേത്രം 

ശ്രീ ഗുരുഭ്യോ നമഃ

ഗോപാൽ മേലാർകോഡ്

_(ചെയർമാൻ )

ശുകപുരം ദക്ഷിണാമൂർത്തി വേദിക് & താന്ത്രിക ട്രസ്റ്റ്