റെയില്‍പാളത്തില്‍ അതിക്രമിച്ചു കടന്നു: ട്രാക്കില്‍ നിന്ന് അദ്ഭുതകരമായ ഗൃഹനാഥന് പിഴയിട്ട് റെയില്‍വേ,

കണ്ണൂർ: പന്നേൻപാറയിലെ റെയില്‍വേ ട്രാക്കില്‍ ട്രെയിൻ കടന്നുപോകുന്നതിനിടെ കമിഴ്ന്നു കിടന്നു പോറല്‍ പോലുമേല്‍ക്കാതെ അദ്ഭുതകരമായി ജീവിതത്തിലേക്കു തിരിച്ചെത്തിയ ഗൃഹനാഥന് ഒടുവില്‍ റെയില്‍വേയുടെ പിഴ.

പന്നേൻപാറ സ്വദേശി പവിത്രനെയാണു റെയില്‍വേ കോടതി 1,000 രൂപ പിഴയീടാക്കി വിട്ടയച്ചത്. തിങ്കളാഴ്ച വൈകുന്നേരം 5.15 ഓടെ സുഹൃത്തിനെ ഫോണ്‍ ചെയ്യുന്നതിനിടയില്‍ പന്നേൻപാറയിലായിരുന്നു സംഭവം. ഈ സമയം ഇതുവഴി മംഗളൂരുവില്‍നിന്നും തിരുവനന്തപുരത്തേക്കു പോകുകയായിരുന്ന മംഗളൂരു-തിരുവനന്തപുരം സെൻട്രല്‍ എക്സ്പ്രസ് കടന്നുവരികയായിരുന്നു.

 പെട്ടെന്ന് ട്രെയിൻ വരുന്നത് ശ്രദ്ധയില്‍പ്പെട്ടതോടെ രക്ഷപ്പെടാൻ മറ്റു മാർഗമില്ലാതെ പവിത്രൻ ട്രാക്കിനെ അഭയം പ്രാപിക്കുകയായിരുന്നു. താരതമ്യേന ശരീരഭാരം കുറഞ്ഞ പവിത്രൻ ട്രെയിൻ കടന്നുപോയശേഷം എഴുന്നേറ്റുവരികയായിരുന്നു. സോഷ്യല്‍ മീഡിയയില്‍ ഈ സംഭവം

മണിക്കൂറുകള്‍ക്കകം തന്നെ വൈറലായി മാറുകയും ചെയ്തു. ഇന്ത്യൻ റെയില്‍വേ ആക്‌ട് അനുസരിച്ച്‌ റെയില്‍പാളത്തില്‍ അതിക്രമിച്ചു കടന്നതിനാണു പവിത്രനെതിരേ ആയിരം രൂപ പിഴശിക്ഷ റെയില്‍വേ കോടതി വിധിച്ചത്.