കാഞ്ഞിരപ്പള്ളിയിൽ ബൈക്ക് യാത്രികൻ അപകടത്തിൽ മരണപ്പെട്ടു

കോട്ടയം : കുമളി റോഡിൽ കാഞ്ഞിരപ്പള്ളി പേട്ട സ്കൂളിന് സമീപം ആണ് അപകടം ഉണ്ടായത്. കാഞ്ഞിരപ്പള്ളി ഭാഗത്തുനിന്നും മുണ്ടക്കയം ഭാഗത്തേക്ക് പോയ ബൈക്കാണ് അപകടത്തിൽപ്പെട്ടത്.

അയ്യപ്പഭക്തർ സഞ്ചരിച്ച ബസ്സിലും പെട്ടി ഓട്ടോറിക്ഷയിലും ഇടിച്ച ശേഷം മുണ്ടക്കയം ഭാഗത്തുനിന്നും വന്ന കാറിലും ഇടിക്കുകയായിരുന്നു അപകടത്തിൽപ്പെട്ട ആളെ കാഞ്ഞിരപ്പള്ളി ജനറൽ ആശുപത്രിയിൽ പ്രവേശിപ്പിച്ചെങ്കിലും മരണം സംഭവിക്കുകയായിരുന്നു.

മണ്ണാറക്കയം സ്വദേശിയായ ലിബിൻ തോമസ് (25) ആണ് മരണപ്പെട്ടത്. കൂടെയുണ്ടായിരുന്ന കാഞ്ഞിരപ്പള്ളി പട്ടിമറ്റം സ്വദേശി ഷാനു സണ്ണിയെ പരിക്കുകളോടെ കോട്ടയം മെഡിക്കൽ കോളേജ് ആശുപത്രിയിലേക്ക് മാറ്റി.