എടപ്പാള്‍: സംസ്ഥാന സ്‌പോട്‌സ് കൗണ്‍സില്‍, സംസ്ഥാന-ജില്ലാ വോളിബോള്‍ ടെക്‌നിക്കല്‍ കമ്മിറ്റി, റിലയന്‍സ് സ്‌പോര്‍ട് ക്ലബ്ബ് തവനൂര്‍, തവനൂര്‍ സ്‌പോര്‍ട്‌സ് അക്കാദമി എന്നിവയുടെ സംയുക്താഭിമുഖ്യത്തില്‍ 23,24,25 തിയതികളിലായി തവനൂര്‍ കെസിഎഇഎഫ്ടി സ്റ്റേഡിയത്തില്‍ വച്ച് സംസ്ഥാന യൂത്ത് അണ്ടര്‍ 21 വോളിബോള്‍ ചാമ്പ്യന്‍ഷിപ്പ് സംഘടിപ്പിക്കുമെന്ന് സംഘാടകര്‍ വാര്‍ത്താസമ്മേളനത്തില്‍ പറഞ്ഞു.
14 ജില്ലകളില്‍ നിന്നായി 28 ടീമുകളാണ് പങ്കെടുക്കുന്നത്. 23 രാവിലെ മുതല്‍ മത്സരം തുടങ്ങും. വൈകീട്ട് 5ന് മന്ത്രി വി അബ്ദുറഹിമാന്‍ ഉദ്ഘാടനം ചെയ്യും. കേരള സ്‌പോര്‍ട്‌സ് കൗണ്‍സില്‍ പ്രസിഡന്റ് യു ഷറഫലി മുഖ്യാതിഥിയാകും. തവനൂര്‍ പഞ്ചായത്ത് വൈസ് പ്രസിഡന്റ് ടി വി ശിവദാസ്, സംസ്ഥാന വോളിബോള്‍ ടെകിനിക്കല്‍ കമ്മിറ്റി ചെയര്‍മാന്‍ സി കെ ഉസ്മാന്‍, ജില്ലാ സ്‌പോര്‍ട്‌സ് കൗണ്‍സില്‍ അംഗം വത്സല, പ്രോഗ്രാം കമ്മിറ്റി ജനറല്‍ കണ്‍വീനര്‍ മുഹമ്മദ് ഷരീഫ്, ചെയര്‍മാന്‍ ടി എം ശിഹാബ്, പ്രോഗ്രാം കമ്മിറ്റി കണ്‍വീനര്‍ എം വി വാസുണ്ണി, ശ്രീനിവാസന്‍ എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ 🔰Dailymalayaly യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.