തൊ​ഴി​ല്‍ വാ​ഗ്ദാ​നം ചെ​യ്ത്​ 10 ല​ക്ഷം രൂ​പ ത​ട്ടി​യെ​ടു​ത്തു; പഞ്ചായത്ത്​ ജീവനക്കാരനെ സസ്പെന്‍ഡ് ചെയ്തു

ക​രു​നാ​ഗ​പ്പ​ള്ളി: തൊ​ഴി​ല്‍ വാ​ഗ്ദാ​നം ചെ​യ്ത്​ 10 ല​ക്ഷം രൂ​പ ത​ട്ടി​യെ​ടു​ത്ത കേ​സി​ല്‍ പഞ്ചായത്ത്​ ജീവനക്കാരനെ സസ്പെന്‍ഡ് ചെയ്തു. പ​ന്മ​ന ഗ്രാ​മ​പ​ഞ്ചാ​യ​ത്തി​ലെ ഫു​ൾ ടൈം ​സ്വീ​പ്പ​റും എ​ന്‍.​ജി.​ഒ യൂ​ണി​യ​ന്‍ ജി​ല്ല കൗ​ൺ​സി​ൽ അം​ഗ​വു​മാ​യ വ​വ്വാ​ക്കാ​വ് ച​ങ്ങ​ന്‍കു​ള​ങ്ങ​ര ‘ശാ​സ്ത്ര’​യി​ൽ വി. വി​നോ​ദി​നെ​യാ​ണ് സ​സ്‌​പെ​ൻ​ഡ് ചെ​യ്ത​ത്. ക​ഴി​ഞ്ഞ ദി​വ​സം ചേ​ര്‍ന്ന പ​ന്മ​ന പ​ഞ്ചാ​യ​ത്ത്‌ ഭ​ര​ണ​സ​മി​തി യോ​ഗ​ത്തി​ന്‍റേ​താ​ണ്​​ ന​ട​പ​ടി.

വി​നോ​ദി​ന്‍റെ സു​ഹൃ​ത്തു​ക്ക​ളാ​യ ക​രു​നാ​ഗ​പ്പ​ള്ളി കു​ല​ശേ​ഖ​ര​പു​രം മാ​ധ​വ​ത്ത് വീ​ട്ടി​ല്‍ രാ​ജേ​ഷ്‌ കു​മാ​ര്‍, തി​രു​വ​ല്ല കു​രി​യ​ന്നൂ​ര്‍ തു​ണ്ടി​ല്‍ വീ​ട്ടി​ല്‍ ഓ​മ​ന​ക്കു​ട്ട​ന്‍ എ​ന്നി​വ​ര്‍ ചേ​ര്‍ന്നാ​ണ് ത​ട്ടി​പ്പ് ന​ട​ത്തി​യത്. പ്രതികൾ തി​രു​വി​താം​കൂ​ര്‍ ദേ​വ​സ്വം ബോ​ര്‍ഡി​ല്‍ സ​ബ്ഗ്രൂ​പ് ഓ​ഫീസ​റാ​യി ജോ​ലി ന​ല്‍കാ​മെ​ന്നു ക​ബ​ളി​പ്പി​ച്ച്​ ശൂ​ര​നാ​ട് തെ​ക്ക് ഇ​ഞ്ച​ക്കാ​ട് രേ​വ​തി നി​ല​യ​ത്തി​ല്‍ ര​വി​നാ​ഥ​ന്‍ പി​ള്ള​യു​ടെ മകനിൽ നിന്ന് 10 ല​ക്ഷം രൂ​പ തട്ടിയെടുത്തതായാണ് പരാതി.

35 ല​ക്ഷം രൂ​പ​യാ​ണ് സം​ഘം ആ​വ​ശ്യ​പ്പെ​ട്ട​ത്. ഇ​തി​ല്‍ അ​ഞ്ചു​ല​ക്ഷം വീ​തം ബാ​ങ്ക് അ​ക്കൗ​ണ്ട് വ​ഴി ന​ല്‍കി ബാ​ക്കി തു​ക നി​യ​മ​ന​ശേ​ഷം നൽകാമെന്നായിരുന്നു പറഞ്ഞത്. എ​ന്നാ​ല്‍, നി​യ​മ​ന ലി​സ്റ്റി​ല്‍ പേ​രി​ല്ലാ​തെ വ​ന്ന​തോ​ടെ​യാ​ണ്​ ത​ട്ടി​പ്പ് വി​വ​രം അ​റി​യു​ന്ന​ത്. തു​ട​ര്‍ന്ന് ര​വി​നാ​ഥ​ന്‍ പി​ള്ള ശൂ​ര​നാ​ട് പൊ​ലീ​സി​ല്‍ പ​രാ​തി ന​ല്‍കി​യ​തി​നെ തു​ട​ര്‍ന്ന് കേ​സ് ര​ജി​സ്റ്റ​ര്‍ ചെയ്യുകയായിരുന്നു.