ദിലീപ് ശങ്കറിന്റെ പോസ്റ്റ്‍മോർട്ടം റിപ്പോർട്ട് പുറത്ത്; മരണ കാരണം ആന്തരിക രക്തസ്രാവം

തിരുവനന്തപുരം: സിനിമാ – സീരിയൽ നടൻ ദിലീപ് ശങ്കറിനെ ഹോട്ടലിനുള്ളിൽ മരിച്ച നിലയിൽ കണ്ടെത്തിയ സംഭവത്തിൽ പോസ്റ്റ്‍മോർട്ടം റിപ്പോർട്ട് പുറത്ത്.  ദിലീപ് ശങ്കറിന്റെ മരണ കാരണം ആന്തരിക രക്തസ്രാവത്തെ തുടർന്നാണെന്നാണ് പോസ്റ്റ്മോർട്ടം റിപ്പോർട്ട്.

മൃതദേഹം അഴുകിയതിനാൽ കെമിക്കൽ പരിശോധന ഫലം വന്നാൽ മാത്രമേ കൃത്യമായ കാരണം അറിയാനാകുമെന്നാണ് പോലീസ് പറയുന്നത്. ദിലീപ് ശങ്കറിന്റെ മരണം ആത്മഹത്യയാണെന്ന രീതിയിൽ ആദ്യം വാർത്തകൾ പുറത്തുവന്നിരുന്നു.

പിന്നീട് ഇത് തെറ്റാണെന്ന് പോലീസ് വ്യക്തമാക്കുകയായിരുന്നു. ഇന്നലെയാണ് തിരുവനന്തപുരത്തെ ഹോട്ടൽ മുറിയിൽ മരിച്ച നിലയിൽ ദിലീപ് ശങ്കറിനെ കണ്ടെത്തിയത്.