കാക്കനാട് മെട്രോ സ്റ്റേഷൻ നിർമാണത്തിനിടെ അപകടം; ടിപ്പർ ലോറി ഡ്രൈവർക്ക് ദാരുണാന്ത്യം

കൊച്ചി: കാക്കനാട് മെട്രോ സ്റ്റേഷൻ നിർമാണത്തിനിടെയുണ്ടായ അപകടത്തിൽ ടിപ്പർ ലോറി ഡ്രൈവർക്ക് ദാരുണാന്ത്യം. ലോറി ഡ്രൈവർ അഹമ്മദ് നൂർ (28) ആണ് മരിച്ചത്.

മണ്ണുമാന്തി യന്ത്രത്തിനും ലോറിക്കും ഇടയിൽപ്പെട്ടായിരുന്നു അപകടം. ഇന്ന് ഉച്ചക്ക് 2.55-ഓടെ കാക്കനാട് മീഡിയ അക്കാദമിക്ക് സമീപത്തുവെച്ചാണ് അപകടം ഉണ്ടായത്.

ലോറിയിൽ ലോഡ് നിറഞ്ഞോ എന്ന് നോക്കുന്നതിനിടെ മണ്ണുമാന്തി യന്ത്രം തിരിഞ്ഞുവരികയായിരുന്നു. അതിനിടെ ഡ്രൈവർ ലോറിക്കും ജെസിബിക്കും ഇടയിൽപ്പെടുകയായിരുന്നു. അഹമ്മദ് സംഭവസ്ഥലത്ത് വെച്ച് തന്നെ മരണപ്പെട്ടു.