ക്രി​സ്മ​സ്, പു​തു​വ​ർ​ഷ അ​വ​ധി; അ​വ​സാ​ന നി​മി​ഷം സ്പെ​ഷ​ൽ സ​ർ​വീ​സു​ക​ൾ പ്ര​ഖ്യാ​പി​ച്ച് ഇന്ത്യൻ റെ​യി​ൽ​വേ

ബെം​​ഗ​ളൂ​രു: ആഘോഷ വേളകളിലും ഉ​ത്സ​വ സീ​സ​ണു​ക​ളി​ലും എല്ലാം അ​വ​സാ​ന നി​മി​ഷം സ്പെ​ഷ​ൽ സ​ർ​വീ​സു​ക​ൾ പ്ര​ഖ്യാ​പി​ക്കു​ക​യെ​ന്ന പ​തി​വ് തെ​റ്റി​ക്കാ​തെ ഇത്തവണയും ഇന്ത്യൻ റെ​യി​ൽ​വേ. ക്രി​സ്മ​സ്, പു​തു​വ​ർ​ഷ അ​വ​ധി ക​ണ​ക്കി​ലെ​ടു​ത്ത് 24ന് ​രാ​ത്രി ബെം​​ഗ​ളൂ​രു​വി​ൽ നി​ന്നും കൊ​ച്ചു​വേ​ളി​യി​ലേ​ക്ക് സ്പെ​ഷ​ൽ സ​ർ​വീ​സ് പ്ര​ഖ്യാ​പി​ച്ചു. അതേസമയം ചൊ​വ്വാ​ഴ്ച പു​റ​പ്പെ​ടേ​ണ്ട സ​ർ​വീ​സ് തി​ങ്ക​ളാ​ഴ്ച​യാ​ണ് അ​നു​വ​ദി​ച്ച​ത്. 

ബ​യ്യ​പ്പ​ന​ഹ​ള്ളി ടെ​ർ​മി​ന​ലി​ൽ നി​ന്നും ചൊ​വ്വാ​ഴ്ച വൈ​കീ​ട്ട് 3.50ന് ​പു​റ​പ്പെ​ടു​ന്ന ട്രെ​യി​ൻ (06558) കെ.​ആ​ർ പു​രം – 4.01, ബം​​ഗാ​ര​പ്പേ​ട്ട് – 4.33, സേ​ലം – 8.32, പാ​ല​ക്കാ​ട് – 12.05, എ​റ​ണാ​കു​ളം – 3.30, കോ​ട്ട​യം – 4.45നും ​അ​ടു​ത്ത ദി​വ​സം രാ​വി​ലെ 10.50ന് ​കൊ​ച്ചു​വേ​ളി​യി​ലു​മെ​ത്തും. ക്രി​സ്മ​സ് ദി​വ​സം കൊ​ച്ചു​വേ​ളി​യി​ൽ​നി​ന്ന് ഉ​ച്ച​ക്ക് 12.35ന് ​പു​റ​പ്പെ​ടു​ന്ന ട്രെ​യി​ൻ (06558) അ​ടു​ത്ത ദി​വ​സം രാ​വി​ലെ അ​ഞ്ചി​ന് ബ​യ്യ​പ്പ​ന​ഹ​ള്ളി​യി​ലെ​ത്തും. 3 എ.​സി ത്രീ​ട​യ​ർ, 3 സ്ലീ​പ്പ​ർ, 9 ജ​ന​റ​ൽ കോ​ച്ചു​ക​ളാ​ണ് ട്രെ​യി​നി​ലു​ള്ള​ത്. സ്പെ​ഷ​ൽ ഒക്കെ തരുന്നുണ്ടെങ്കിലും അവ നേ​ര​ത്തേ പ്ര​ഖ്യാ​പി​ക്ക​ണ​മെ​ന്നത് യാ​ത്ര​ക്കാ​ർ കാ​ല​ങ്ങ​ളാ​യി ആ​വ​ശ്യ​പ്പെ​ടു​ന്ന​താ​ണ്.   

കേ​ര​ള​ത്തി​ലേ​ക്കു​ള്ള ട്രെ​യി​നു​ക​ളി​ൽ കഴിഞ്ഞ ദിവസങ്ങളിലെല്ലാം ക​ന​ത്ത തി​ര​ക്കാ​ണ​നു​ഭ​വ​പ്പെ​ട്ട​ത്. റി​സ​ർ​വേ​ഷ​ൻ കോ​ച്ചി​ൽ വ​രെ ജ​ന​റ​ൽ ടി​ക്ക​റ്റെ​ടു​ത്ത​വ​ർ വ്യാ​പ​ക​മാ​യി ക​യ​റി​യി​രു​ന്ന​താ​യി യാ​ത്ര​ക്കാ​രും പ​രാ​തി ഉ​ന്ന​യി​ച്ചി​രു​ന്നു. സ്പെ​ഷ​ൽ ട്രെ​യി​നു​ക​ളി​ല്ലാ​ത്ത​ത് യാ​ത്രാ​ദു​രി​തം ഇ​ര​ട്ടി​യാ​ക്കി​യി​രു​ന്നു. പ്ര​തി​ദി​ന ട്രെ​യി​നു​ക​ളി​ലെ​ല്ലാം വെ​യ്റ്റി​ങ് ലി​സ്റ്റ് 100 ക​ട​ന്നി​രു​ന്നു. 

ക​ർ​ണാ​ട​ക, കേ​ര​ള ആ​ർ.​ടി.​സി​ക​ൾ സ്പെ​ഷ​ൽ സ​ർ​വീ ​സ് പ്ര​ഖ്യാ​പി​ച്ചി​ട്ടു​ണ്ടെ​ങ്കി​ലും തി​ര​ക്ക് കു​റ​ക്കാ​ൻ ഇ​വ​യൊ​ന്നും ഒട്ടും പ​ര്യാ​പ്ത​മ​ല്ല. ഇനിയിപ്പോൾ ട്രെയിൻ മാറി വല്ല ബസ്സിലും പോവാമെന്ന് വെച്ചാലോ സ്വ​കാ​ര്യ ബ​സു​ക​ളി​ൽ, ര​ണ്ടി​ര​ട്ടി​യാ​ണ് ടി​ക്ക​റ്റ് നി​ര​ക്ക്. പ​തി​വു​പോ​ലെ മ​ല​ബാ​ർ ഭാ​​ഗ​ത്തേ​ക്കു​ള്ള യാ​ത്ര​ക്കാ​ർ ഇ​ത്ത​വ​ണ​യും നാ​ട്ടി​ലെ​ത്താ​ൻ പാ​ടു​പെ​ടും. ഇ​ര​ട്ടി പ​ണം കൊ​ടു​ത്ത് സ്വ​കാ​ര്യ ബ​സു​ക​ളി​ലോ തൂ​ങ്ങി​പ്പി​ടി​ച്ച് ജ​ന​റ​ൽ കോ​ച്ചു​ക​ളി​ലോ വേ​ണം ഇ​ത്ത​വ​ണ​യും നാ​ട്ടി​ലെ​ത്താ​ൻ.

യാ​ത്ര​ക്കാ​രു​ടെ തി​ര​ക്ക് പ​രി​​ഗ​ണി​ച്ച് മ​ല​ബാ​റി​ലേ​ക്ക് സ്പെ​ഷ​ൽ ട്രെ​യി​ൻ അ​നു​വ​ദി​ക്ക​ണ​മെ​ന്ന കാ​ല​ങ്ങ​ളാ​യു​ള്ള യാ​ത്ര​ക്കാ​രു​ടെ ആ​വ​ശ്യ​ത്തി​ന് ഇ​ത്ത​വ​ണ​യും റെ​യി​ൽ​വേ അനങ്ങിയില്ല. തി​രൂ​ർ, കോ​ഴി​ക്കോ​ട് ഭാ​​ഗ​ത്തേ​ക്കു​ള്ള ഏ​ക പ്ര​തി​ദി​ന ട്രെ​യി​നാ​യ യ​ശ്വ​ന്ത്പൂ​ർ – ക​ണ്ണൂ​ർ എ​ക്സ്പ്ര​സി​ലാ​ണെ​ങ്കി​ൽ സൂ​ചി കു​ത്താ​നി​ട​മി​ല്ലാ​ത്ത​വി​ധം തി​ര​ക്കാ​ണ് നിരന്തരം അനുഭവപ്പെടുന്നത്. ക്രി​സ്മ​സ് അ​വ​ധി ക​ഴി​ഞ്ഞു​ള്ള ഞാ​യ​റാ​ഴ്ച ഇ​തേ ട്രെ​യി​നി​ൽ ക​ണ്ണൂ​രി​ൽ നി​ന്നും യ​ശ്വ​ന്ത്പൂ​രി​ലേ​ക്കു​ള്ള വെ​യ്റ്റി​ങ് ലി​സ്റ്റ് 150 എ​ത്തി​യി​ട്ടു​ണ്ട്. പ​യ്യ​ന്നൂ​ർ, കാ​സ​ർ​​കോ​ട്, കാ​ഞ്ഞ​ങ്ങാ​ട് ഭാ​​ഗ​ത്തേ​ക്കു​ള്ള ഏ​ക പ്ര​തി​ദി​ന ട്രെ​യി​നാ​യ ബ​യ്യ​പ്പ​ന​ഹ​ള്ളി ടെ​ർ​മി​ന​ൽ – ക​ണ്ണൂ​ർ എ​ക്സ്പ്ര​സി​ലും (ഹാ​സ​ൻ – മം​​ഗ​ളൂ​രു വ​ഴി) സ്ഥി​തി മറിച്ചൊന്നുമല്ല.