കയ്യിൽ കയർ ബന്ധിച്ച പ്രതി പൊലീസ് ഉദ്യോഗസ്ഥനെ പുറകിലിരുത്തി ഹെൽമറ്റില്ലാതെ ബൈക്കിൽ യാത്ര ചെയ്യുന്ന ദൃശ്യങ്ങൾ വൈറൽ

ലക്നൗ: കയ്യിൽ കയർ ബന്ധിച്ച പ്രതി പൊലീസ് ഉദ്യോഗസ്ഥനെ പുറകിലിരുത്തി ഹെൽമറ്റില്ലാതെ ബൈക്കിൽ യാത്ര ചെയ്യുന്ന ദൃശ്യങ്ങൾ വൈറൽ.

ഉത്തർപ്രദേശിലെ മെയിൻപുരിയിലാണ് സംഭവം. കാറിൽ യാത്ര ചെയ്തവർ പകർത്തിയ ദൃശ്യങ്ങളാണ് സമൂഹമാധ്യമങ്ങളിൽ പ്രചരിച്ചത്. എപ്പോൾ പകർത്തിയ ദൃശ്യങ്ങളാണെന്ന് വ്യക്തമല്ല.

പ്രതി ഹെൽമറ്റില്ലാതെ ബൈക്ക് ഓടിക്കുന്നതാണ് ദൃശ്യങ്ങളിൽ.

കയറിന്റെ ഒരറ്റം കോൺസ്റ്റബിളിന്റെ കയ്യിലാണ്. പ്രതിക്കു ഹെൽമറ്റില്ലെങ്കിലും കോൺസ്റ്റബിൾ ഹെൽമറ്റ് ധരിച്ചിട്ടുണ്ട്. സംഭവത്തെക്കുറിച്ച് അന്വേഷണം ആരംഭിച്ചതായി മെയിൻപുരി പൊലീസ് അറിയിച്ചു.