പമ്പ നീലിമല അടിവാരത്തുനിന്ന് രാജവെമ്പാലയെ പിടികൂടി

പത്തനംതിട്ട: പമ്പ നീലിമല അടിവാരത്ത് കരിക്ക് വിൽക്കുന്ന കടയ്ക്ക് സമീപത്ത് നിന്ന് രാജവെമ്പാലയെ പിടികൂടി. കരിക്ക് വിൽക്കുന്ന തൊഴിലാളികളാണ് ആദ്യം പാമ്പിനെ കണ്ടത്.

പിന്നീട് വനപാലകരെ വിവരമറിയിച്ചു. തുടർന്ന് വനപാലകരെത്തി പാമ്പിനെ പിടികൂടി ചാക്കിലാക്കുകയായിരുന്നു ആറടിയിലേറെ നീളമുള്ള രാജവെമ്പാലയെ ആണ് പിടികൂടിയത്.

തിങ്കഴാഴ്ച രാത്രി 10 മണിയോടെയാണ് സംഭവം. കടയിലെ ഷീറ്റുകൾക്കിടയിൽ ഒളിച്ച പാമ്പിനെ അതിസാഹസികമായാണ് വനപാലകർ പിടികൂടിയത്.