ആശങ്കകൾക്കൊടുവിൽ ആശ്വാസം: ജയില്‍ മോചിതരായ ഇന്ത്യൻ മത്സ്യത്തൊഴിലാളികളെ നാട്ടിലെത്തിച്ചു,

പനാമ: ജയില്‍ മോചിതരായ ഇന്ത്യൻ മത്സ്യത്തൊഴിലാളികളെ നാട്ടിലെത്തിച്ചു. 28 ഇന്ത്യൻ മത്സ്യത്തൊഴിലാളികളെയാണ് ബഹ്‌റൈനിലെ ഇന്ത്യൻ എംബസിയുടെ ഇടപെടലിനെത്തുടർന്ന് സുരക്ഷിതമായി നാട്ടിലെത്തിച്ചത്.

മത്സ്യബന്ധന ചട്ടങ്ങള്‍ ലംഘിച്ചതിനെത്തുടർന്ന് ആറു മാസത്തെ ശിക്ഷ വിധിക്കപ്പെട്ട് ഇവർ ജയിലിലായിരുന്നു. 

അടുത്തിടെ ഇവരുടെ ശിക്ഷ മൂന്നു മാസമായി ഇളവ് വരുത്തുകയും മോചിപ്പിക്കപ്പെടുകയും ചെയ്തു. ഇന്ത്യ ഗവണ്‍മെന്റിന്റെ ഇന്ത്യൻ കമ്യൂണിറ്റി വെല്‍ഫെയർ ഫണ്ടില്‍നിന്ന് ഇവർക്കാവശ്യമായ നിയമസഹായത്തിനും യാത്രക്കും സൗകര്യമൊരുക്കി.

ഇവരുടെ മോചനവും നാട്ടിലേക്കുള്ള യാത്രയും വേഗത്തില്‍ സാധ്യമാക്കാൻ എല്ലാവിധത്തിലും സഹകരിച്ച ബഹ്‌റൈൻ അധികാരികള്‍ക്ക് നന്ദി പറയുന്നതായി ഇന്ത്യൻ എംബസി അറിയിച്ചു.