വിവിധ മേഖലകളില്‍ വ്യക്തിമുദ്ര പതിപ്പിച്ച്‌ മലയാളിയുടെ മനസില്‍ ചിരപ്രതിഷ്ഠ നേടിയ ചില പ്രമുഖർ വിട പറഞ്ഞ വർഷമാണ് 2024. ഈ വർഷം കേരളത്തിന് നഷ്ടമായ പ്രമുഖർ ആരൊക്കെയെന്ന് നോക്കാം.
എം. എം. ലോറൻസ്
മുതിർന്ന സിപിഐ എം നേതാവും തൊഴിലാളി യൂണിയൻ സംഘാടകനും മുൻ ലോക്‌സഭാംഗവുമായിരുന്ന എം. എം. ലോറൻസ് (95) ഓർമയായത് ഈ വർഷമായിരുന്നു. സെപ്റ്റംബർ 21 ന് കൊച്ചിയിലെ സ്വകാര്യ ആശുപത്രിലായിരുന്നു അന്ത്യം.
കവിയൂർ പൊന്നമ്മ
അമ്മ വേഷങ്ങളിലൂടെ മലയാള സിനിമയില്‍ നിറ സാന്നിധ്യമായിരുന്ന കവിയൂർ പൊന്നമ്മ (79) അന്തരിച്ചത് 2024ല്‍ മലയാള സിനിമയ്ക്കുണ്ടായ തീരാനഷ്ടങ്ങളില്‍ ഒന്നായിരുന്നു. സെപ്റ്റംബർ 20ന് വാര്‍ധക്യസഹജമായ അസുഖങ്ങളാല്‍ കൊച്ചിയിലെ സ്വകാര്യ ആശുപത്രിയില്‍ ചികിത്സയിലിരിക്കെയായിരുന്നു അന്ത്യം.
കീരിക്കാടൻ ജോസ്
മലയാള സിനിമാ പ്രേമികള്‍ക്കിടയില്‍ വില്ലൻ വേഷങ്ങളില്‍ തിളങ്ങിയ കീരിക്കാടൻ ജോസ് എന്ന മോഹൻ രാജ് അരങ്ങൊഴിഞ്ഞത് 2024ന്റെ നഷ്ടമാണ്. ഒക്ടോബർ 3ന് കഠിനം കുളത്തെ വീട്ടിലായിരുന്നു അന്ത്യം.
കെ.ജി. ജയൻ
മലയാള ചലചിത്രഗാന രംഗത്തും ഭക്തിഗാന ശാഖയിലും മികച്ച സംഭാവന നല്‍കിയ പ്രശസ്ത സംഗീതജ്ഞൻ കെ ജി ജയൻ (90) അന്തരിച്ചത് ഈ വർഷമായിരുന്നു. ഏപ്രില്‍ 16 ന് തൃപ്പൂണിത്തുറയിലെ വസതിയില്‍ വെച്ചായിരുന്നു അന്ത്യം. ശ്രീകോവില്‍ നട തുറന്നു...., വിഷ്ണുമായയില്‍ പിറന്ന വിശ്വ രക്ഷക..., രാധതൻ പ്രേമത്തോടാണോ കൃഷ്ണ... തുടങ്ങിയ നിരവധി ഭക്തി ഗാനങ്ങള്‍ ചിട്ടപ്പെടുത്തിയിട്ടുണ്ട്.
കെ. ജെ .ജോയി
അരനൂറ്റാണ്ടോളം നീണ്ടുനിന്ന സംഗീത യാത്രയായിരുന്നു കെ. ജെ. ജോയിയുടേത്. ജനുവരി 15 തൃശൂരിയിലായിരുന്നു അന്ത്യം. 'കസ്തൂരി മാൻമിഴി...', 'അക്കരെ ഇക്കരെ...' തുടങ്ങിയ ഹിറ്റ് ഗാനങ്ങളുടെ സംഗീത സംവിധായകനാണ്.
മീന ഗണേശ്
അമ്മ കഥാപാത്രങ്ങളിലൂടെ മലയാളി സിനിമാപ്രേക്ഷകർക്ക് സുപരിചിതയായ നടി ആയിരുന്നു മീന ഗണേശ്. വാർധക്യസഹജമായ അസുഖത്തെതുടർന്ന് ഡിസംബർ 19ന് ഷൊർണൂരിലെ സ്വകാര്യ ആശുപത്രിയിലായിരുന്നു അന്ത്യം.
മേഘനാഥൻ
നിരവധി മലയാള ചിത്രങ്ങളില്‍ മികച്ച അഭിനയം കാഴ്ചവെച്ച്‌ പ്രശസ്ത നടൻ മേഘനാഥൻ അന്തരിച്ചത് ഈ വർഷത്തെ പ്രധാന നഷ്ടങ്ങളില്‍ ഒന്നാണ്. ശ്വാസകോശ സംബന്ധമായ രോഗത്തെ തുടർന്ന് കോഴിക്കോട് ആശുപത്രിയില്‍ നവംബർ 21ന് ആയിരുന്നു അന്ത്യം.
കനകലത
മലയാള ചലച്ചിത്ര മേഖലയില്‍ 2024-ലെ ഒരു നഷ്ടമായിരുന്നു നടി കനകലതയുടെ വിയോഗം. പാര്‍ക്കിൻസണ്‍സും മറവിരോഗവും കാരണം ഏറെനാളായി ദുരിതാവസ്ഥയിലായിരുന്ന കനകലതയുടെ അന്ത്യം തിരുവനന്തപുരത്തെ വീട്ടില്‍വെച്ചായിരുന്നു. നാടകത്തിലൂടെ സിനിമയിലെത്തിയ കനകലത മുന്നൂറ്റിയൻപതോളം സിനിമകളിലും നിരവധി സീരിയലുകളിലും അഭിനയിച്ചിട്ടുണ്ട്.
എൻ.കെ. ദേശം
പ്രശസ്ത കവിയും എഴുത്തുകാരനും നിരൂപകനുമായ എൻ.കെ. ദേശം (87) വിടവാങ്ങിയത് മലയാള സാഹിത്യത്തിന് കനത്ത നഷ്ടമായിരുന്നു. ഫെബ്രുവരി 4ന് ആലുവ കോതകുളങ്ങരയിലെ വീട്ടിലായിരുന്നു അന്ത്യം.
സംഗീത് ശിവൻ
പ്രശസ്ത സംവിധായകനും ഛായാഗ്രഹകനുമായ സംഗീത് ശിവന്‍ വിടവാങ്ങിയത് ഈ വർഷമായിരുന്നു. മെയ് 8ന് മുംബൈയിലെ സ്വകാര്യ ആശുപത്രിയില്‍ ചികിത്സയിലിരിക്കെയായിരുന്നു അന്ത്യം.
ഓംചേരി
നവംബർ 22ന് ആയിരന്നു പ്രശസ്ത എഴുത്തുകാരന്‍ ഓംചേരി എന്‍എന്‍ പിള്ള അന്തരിച്ചത്. വാര്‍ധക്യസഹജമായ അസുഖത്തെ തുടര്‍ന്ന് ഡല്‍ഹി സെന്റ് സ്റ്റീഫന്‍സ് ആശുപത്രിയില്‍ വച്ചായിരുന്നു അന്ത്യം.
ആകാശാവാണി ഉദ്യോഗസ്ഥനായിരുന്നു. 9 മുഴുനീള നാടകങ്ങളും 80 ഏകാങ്കങ്ങളും ഓംചേരി രചിച്ചിട്ടുണ്ട്. 1972 ല്‍ 'പ്രളയം' എന്ന നാടകത്തിന് കേരള സാഹിത്യ അക്കാദമി പുരസ്‌ക്കാരം ലഭിച്ചു.
ടി.പി. മാധവൻ
അറുനൂറിലധികം ചിത്രങ്ങളില്‍ മികച്ച വേഷങ്ങള്‍ ചെയ്ത ടി. പി. മാധവന്‍ അരങ്ങൊഴിഞ്ഞത് ഈ വർഷമായിരുന്നു. ഒക്ടോബർ 9ന് കൊല്ലത്തെ സ്വകാര്യ ആശുപത്രിയില്‍വച്ചായിരുന്നു അന്ത്യം.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ 🔰Dailymalayaly യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.