ഐറിഷ് ബാഡ്മിന്റൺ ചാമ്പ്യൻഷിപ്പിൽ അണ്ടർ 19 ടൂർണമെന്റിൽ മിന്നും വിജയ തിളക്കവുമായി മലയാളി സഹോദരിമാർ, മിഷേൽ ഷോച്ചനും ഹാന ഷോച്ചനും.
മലയാളികൾക്ക് ഏറെ അഭിമാനമായി അണ്ടർ 19 ബോയ്സ് സിംഗിൾ വിഭാഗത്തിൽ പ്രണവ് ഇരുകാട്ടിൽ സ്വർണവും, ഗേൾസ് സിംഗിൾ വിഭാഗത്തിൽ നിക്കോൾ ജോയ് വെള്ളിയും നേടി.
ഐറിഷ് നാഷണൽ ബാഡ്മിന്റൺ ചാമ്പ്യൻഷിപ്പിൽ തുടർച്ചയായി വിജയം കരസ്ഥമാക്കി ഈ സഹോദരിമാർ അയർലണ്ടിലെ ഓരോ മലയാളിയുടെയും അഭിമാനമായി മാറിയിരിക്കുകയാണ്. അണ്ടർ 19 സിംഗിൾസിലും ഡബിൾസിലും മിഷേൽ സ്വർണം നേടി.
മിക്സഡ് ഡബിൾസിൽ കേവലം രണ്ട് പോയിന്റ് വ്യത്യാസത്തിലാണ് മിഷേലിന് സ്വർണം നഷ്ടമായതും വെള്ളി മെഡൽ നേടിയതും. ഐറിഷ് നാഷണൽ ടീമിൽ പ്ലെയറാണ് മിഷേൽ. പത്ത് വയസ് മുതൽ മിഷേൽ ടീമിനായി മത്സരിക്കുന്നുണ്ട്. മേരി ഫീൽഡ് കോളേജിൽ അഞ്ചാം വർഷം വിദ്യാർഥിനിയാണ് പതിനാറുകാരി മിഷേൽ. അണ്ടർ 17 വിഭാഗത്തിൽ രണ്ട് ചാമ്പ്യൻഷിപ്പുകൾ മിഷേൽ നേടിയിട്ടുണ്ട്. കഴിഞ്ഞ യൂറോപ്യൻ ചാമ്പ്യൻഷിപ്പിൽ 16ാം സ്ഥാനവും മിഷേൽ സ്വന്തമാക്കിയിരുന്നു.
അണ്ടർ 15 സിംഗിൾസ്, ഡബിൾ, മിക്സഡ് ഡബിൾ വിഭാഗങ്ങളിൽ ഹാന ഷോച്ചൻ ചാമ്പ്യനായി. സഹോദരിയുടെ പാതയിൽ തന്നെ മികവാർന്ന പ്രകടനം നടത്തി ഹാനയും ഐറിഷ് നാഷണൽ ടീമിനായി മത്സരിക്കുന്നു. മേരി ഫീൽഡ് കോളേജിൽ രണ്ടാം വർഷം വിദ്യാർഥിനിയാണ് ഹാന.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.