ബിജെപിക്ക് വോട്ട് ചെയ്യണമെന്ന് പരോക്ഷമായി ആഹ്വാനം ചെയ്ത് സിറോ മലബാർ സഭാധ്യക്ഷൻ മേജർ ആർച്ച് ബിഷപ് മാർ റാഫേൽ തട്ടിൽ

എറണാകുളം;കത്തോലിക്കാ വിശ്വാസികൾ ബിജെപിക്ക് വോട്ട് ചെയ്യണമെന്ന് പരോക്ഷമായി ആഹ്വാനം ചെയ്ത് സിറോ മലബാർ സഭാധ്യക്ഷൻ മേജർ ആർച്ച് ബിഷപ് മാർ റാഫേൽ തട്ടിൽ. മുനമ്പം സമരവേദിയിൽ സംസാരിക്കുകയായിരുന്നു അദ്ദേഹം.

ഓർക്കേണ്ടത് ഓർത്ത് കണക്കു ചോദിക്കാൻ വിവേകവും ബുദ്ധിയുമുള്ള ജനതയാണ് ക്രൈസ്തവർ. എന്നും വോട്ട് ചെയ്ത് പരിചയമുള്ള കക്ഷികൾക്ക് വോട്ട് ചെയ്യണമെന്ന് ഇക്കുറി നിർബന്ധം പിടിക്കരുത്. മറിച്ച് ചെയ്യാൻ അറിയാമെന്ന് തെളിയിക്കണമെന്നും മേജർ ആർച്ച് ബിഷപ് മാർ റാഫേൽ തട്ടിൽ പറഞ്ഞു.അതേസമയം വഖഫ് മന്ത്രി പറയുന്നത് കേട്ട് ളോഹ ഊരി വെച്ച് സമരം ചെയ്യാനാവില്ലെന്നും ഖദറിട്ട് സമര പന്തലിൽ വരാനാവില്ലെന്നും ബിഷപ്പ് മാർ റാഫേൽ തട്ടിൽ പറഞ്ഞു.

ക്രൈ​സ്ത​വ പു​രോ​ഹി​ത​ർ വ​ർ​ഗീ​യ​ത പ​റ​യു​ന്നു എ​ന്ന വ​ഖ​ഫ് മ​ന്ത്രി​യു​ടെ പ​രാ​മ​ർ​ശ​ത്തി​നായിരുന്നു മേജർ ആർച്ച് ബിഷപ്പിന്റെ മറുപടി.മ​ന്ത്രി പ​റ​യു​ന്ന​ത് കേ​ട്ട് ഈ ​ളോ​ഹ ഊ​രി മാ​റ്റാ​ൻ ക​ഴി​യു​മോ​യെ​ന്നും താ​ൻ നി​ൽ​ക്കു​ന്ന ആ​ശ​യ​ങ്ങ​ൾ മാ​റ്റു​മെ​ന്ന് ക​രു​തു​ന്നു​ണ്ടോ​യെ​ന്നും അ​ദ്ദേ​ഹം ചോ​ദി​ച്ചു. ‘ഞ​ങ്ങ​ൾ സ​മ​ര​ക്കാ​രു​ടെ ഇ​ട​യ​ന്മാ​രാ​ണ്. ജ​ന​ങ്ങ​ളുടെ കൂ​ടെ നി​ൽ​ക്കു​ന്നി​ല്ലെ​ങ്കി​ൽ ഒ​റ്റു​കാ​രാ​കും’- അദ്ദേഹം പറഞ്ഞു.