തലസ്ഥാനത്ത് നിന്നും പോലീസ് പിടിച്ചെടുത്തത് പാകിസ്ഥാനിൽ അച്ചടിച്ച കള്ളനോട്ടുകൾ

തിരുവനന്തപുരം: തലസ്ഥാനത്ത് നിന്ന് പിടിച്ചെടുത്തത് പാകിസ്ഥാനിൽ അച്ചടിച്ച നോട്ടുകളെന്ന് പൊലീസ്.

പൂന്തുറ സ്വദേശി ബർക്കത്തിനെയാണ് വ്യാജനോട്ടുകളുമായി പിടികൂടിയത്. യഥാർത്ഥ നോട്ടുകളെ വെല്ലുന്ന വ്യാജ കറൻസികളായിരുന്നു ഇയാളുടെ കയ്യിലുണ്ടായിരുന്നത്. ഒരാഴ്ച മുമ്പാണ് ഇയാളെ പോലീസ് അറസ്റ്റ് ചെയ്യുന്നത്.

പൂന്തുറ സ്വദേശി ബർക്കത്ത് 12,500 രൂപയുടെ വ്യാജ നോട്ടുകളുമായി ബാങ്കിൽ എത്തുകയായിരുന്നു. തുടർന്ന് സംശയം തോന്നിയതിനെ തുടർന്ന് പൊലീസ് പിടികൂടുകയായിരുന്നു. പിന്നീട് നാസിക്കിൽ ജില്ലാ ക്രൈം ബ്രാഞ്ച് നടത്തിയ പരിശോധനയിൽ പാകിസ്ഥാനിൽ അച്ചടിച്ച് വിതരണം ചെയ്തതിന് സമാനമായ നോട്ടുകളാണെന്ന റിപ്പോർട്ട് ലഭിക്കുന്നു. 

അതേസമയം, സൗദിയിൽ പോയപ്പോൾ കൊണ്ടുവന്ന നോട്ടുകളാണെന്ന് പ്രതി മൊഴി നൽകിയിട്ടുണ്ട്. ഇയാൾക്കെതിരെ യുഎപിഎ ചുമത്തി കേസ് തീവ്രവാദ വിരുദ്ധ സേനക്ക് കൈമാറും.