അമേരിക്ക;യുഎസ് തെരഞ്ഞെടുപ്പ് അവസാന ഘട്ടത്തിലാണ്. വളർന്ന് കൊണ്ടിരിക്കുന്ന വിപണികൾ, ഡോളറിൻ്റെ മൂല്യം, ക്രൂഡ് ഓയിൽ വില, സ്വർണം തുടങ്ങിയവയിലെല്ലാം യുഎസ് തിരഞ്ഞെടുപ്പ് സ്വാധീനം ചെലുത്തും. സമ്പദ്‌വ്യവസ്ഥ, കുടിയേറ്റം തുടങ്ങിയ പ്രധാന വിഷയങ്ങളിൽ എന്തായിരിക്കും ഇനിയുള്ള നിലപാട് എന്നതും ആകാംക്ഷയോടെ മിക്കവരും ഉറ്റുനോക്കുകയാണ്.
ആരായിരിക്കും അടുത്ത പ്രസിഡൻ്റ് എന്നത് യുഎസിൻ്റെ ജിഡിപി വളർച്ചയിലും നിർണായകമാകും. തൊഴിലില്ലായ്മ നിരക്ക്, പണപ്പെരുപ്പം, ഉപഭോക്താക്കളുടെ ആത്മവിശ്വാസം എന്നിവയെയും വോട്ടർമാരുടെ തീരുമാനം സ്വാധീനിക്കും. യുഎസ് സമ്പദ് വ്യവസ്ഥയുടെ വളർച്ച മന്ദഗതിയിലാണ്. പത്തിൽ ആറ് അമേരിക്കക്കാരും സമ്പദ്‌വ്യവസ്ഥയുടെ പ്രകടനം മോശം എന്ന് വിലയിരുത്തുന്നവരാണ്.ജിഡിപി വളർച്ച ഉറപ്പാക്കുന്നതിനും തൊഴിലില്ലായ്മ നിരക്ക് കുറക്കുന്നതിലും പുതിയ പ്രസിഡൻ്റ് ആരെന്നത് നിർണായകമാകും.
അതേസമയം ദുർഘടസമയങ്ങളെ അതിജീവിച്ച് യുഎസ് തിരിച്ചുവരുന്നതിൻ്റെ സൂചനകളുമുണ്ട്. ഏറ്റവും കുറഞ്ഞ നിരക്കിൽ നിന്ന് ജിഡിപി വളർച്ച നേരിയ തോതിൽ മുന്നേറുന്നുണ്ട്. സെപ്റ്റംബറിലെ കണക്കനുസരിച്ച് പണപ്പെരുപ്പം മൂന്ന് വർഷത്തെ ഏറ്റവും താഴ്ന്ന നിരക്കായ 2.4 ശതമാനമായി കുറഞ്ഞു.
അതേസമയം ട്രംപ് ആണ് അധികാരത്തിൽ എത്തുന്നതെങ്കിൽ മാറ്റങ്ങൾ ഉണ്ടാകും. ഓഹരി വിപണികളിലും കറൻസി മൂല്യത്തിലും മാറ്റങ്ങളുണ്ടാകും .ട്രംപ് പ്രസിഡൻ്റായി തിരഞ്ഞെടുക്കപ്പെട്ടാൽ സ്വർണ വില ഉയരാമെന്നും യുഎസ് ഡോളർ നേട്ടമുണ്ടാക്കും എന്നും പ്രവചനങ്ങളുണ്ട്. അതേസമയം, ക്രൂഡ് വില കുറയാം. വളർന്നുവരുന്ന വിപണികൾക്ക് ട്രംപിൻ്റെ വിജയം ഗുണമാകുമെന്നാണ് പൊതുവെയുള്ള വിലയിരുത്തൽ .
ട്രംപിൻ്റെ വിജയം ഇന്ത്യൻ വിപണിയിലും സ്വാധീനം ചെലുത്തും. വിദേശനയത്തിലും മാറ്റങ്ങളുണ്ടാകാനിടയുള്ളത് ഗുണമാകും. അതേസമയം കർശനമായ വ്യാപാര നിയന്ത്രണങ്ങൾ ഉണ്ടാകാനിടയുള്ളത് യുഎസിനും നേട്ടമാകാം
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.