ആറ്റിങ്ങലിൽ പട്ടാപ്പകൽ വീട് കുത്തിത്തുറന്ന് മോഷണം; 40 പവൻ സ്വർണവും ഒരു ലക്ഷം രൂപയും കവർന്നു

തിരുവനന്തപുരം: ആറ്റിങ്ങലിൽ പട്ടാപ്പകൽ വീട് കുത്തിത്തുറന്ന് മോഷണം.

ആറ്റിങ്ങൽ പാലസ് റോഡിൽ പത്മനാഭറാവു-സ്വയംപ്രഭ ദമ്പതികളുടെ വീട്ടിലാണു മോഷണം നടന്നത്. ബന്ധുവിൻ്റെ മരണാനന്തര ചടങ്ങിൽ പങ്കെടുക്കാനായി പോയതായിരുന്നു വീട്ടുകാർ. തിരിച്ചെത്തിയപ്പോഴാണ് വീടിൻ്റെ മുൻ വാതിൽ തകർത്ത നിലയിൽ കാണപ്പെട്ടത്. 40 പവൻ സ്വർണവും ഒരു ലക്ഷം രൂപയും കവർന്നു.

മോഷണം ആണെന്ന് മനസിലായതോടെ ഉടമസ്ഥർ പോലീസിനെ അറിയിക്കുക ആയിരുന്നു. പോലീസ് എത്തി മോഷണം സ്ഥിതീകരിക്കുകയും കേസ് എടുക്കുകയും ചെയ്തു.