പൊതുവഴിയിൽ തടി ലോഡിംഗ് അപകടം സൃഷ്ടിക്കുന്നു

ഏഴാച്ചേരി: കൊല്ലപ്പിള്ളി - ഏഴാച്ചേരി റൂട്ടിൽ ഹോമിയോ ആശുപത്രിക്ക് സമീപം റോഡിൽ ലോറി നിർത്തി തടി കയറ്റുന്നത് അപകടം സൃഷ്ടിക്കുന്നു.

വീതി കുറഞ്ഞ റോഡിൽ വലിയ ലോറി നിർത്തിയ ശേഷം ചെറുവണ്ടികളിൽ തടി കൊണ്ട് വന്ന് അതിൽ കയറ്റുകയാണ്. റോഡിൻറെ ഒരു സൈഡ് കുടിവെള്ള വിതരണത്തിനായുള്ള പൈപ്പ് ലൈനിനുവേണ്ടി കുഴിച്ചതിനാലും ശക്തമായ മഴക്കാലം ആയതിനാലും ധാരാളം അപകടങ്ങൾ ഇവിടെ നടക്കുന്നുണ്ട്.

ഇന്നലെ സ്കൂൾ വിട്ട് വന്ന വിദ്യാർത്ഥികൾ അവിടെ വീണ് ഗുരുതരമായി പരിക്കേറ്റു. ലോഡ് കിട്ടിക്കൊണ്ടിരുന്ന തടി ലോറിയെ ഓവർടേക്ക് ചെയ്തു റോങ് സൈഡിൽ വന്ന ഒരു കാർ ആണ് അപകടം സൃഷ്ടിച്ചത്. കാർ നിർത്താതെ പോയി.

ബിജെപി ഏരിയ കമ്മിറ്റിയുടെ നേതൃത്വത്തിൽ വാർഡ് മെമ്പർ മുഖേന പോലീസിൽ പരാതി അറിയിക്കുകയും വേണ്ട നടപടികൾ സ്വീകരിക്കണമെന്ന് ആവശ്യപ്പെടുകയും ചെയ്തു