ഡൽഹി: ഡൽഹിയിലെ വായുവിൻ്റെ ഗുണനിലവാരം ഗുരുതരമായ നിലയിലേക്ക് താഴ്ന്നതിനാൽ ഗ്രേഡഡ് റെസ്പോൺസ് ആക്ഷൻ പ്ലാനിൻ്റെ (ജിആർഎപി) 3-ാം ഘട്ടം നാളെ മുതൽ നടപ്പിലാക്കും.
ജിആർഎപി പ്രാബല്യത്തിൽ വരുന്നതോടെ ഖനന പ്രവർത്തനങ്ങളും നിർമ്മാണങ്ങളും പൊളിക്കുന്നതും താൽക്കാലികമായി നിർത്തിവയ്ക്കുന്നതും. ഡൽഹി-എൻസിആറിൽ പ്രവർത്തിക്കുന്ന സ്കൂളുകളിലെ അഞ്ചാം ക്ലാസ് വരെ അടച്ചിടും. ഡൽഹിയിൽ നാളെ രാവിലെ 8 മണി മുതൽ BS-III പെട്രോൾ, BS-IV ഡീസൽ നാല് ചക്ര വാഹനങ്ങൾക്ക് നിരോധനം ഏർപ്പെടുത്തും. ഡൽഹിയിലേക്ക് വാണിജ്യ ആവശ്യങ്ങൾക്കുള്ള വാഹനങ്ങൾ വരുന്നത് നിരോധിച്ചു.
നോൺ-ഇലക്ട്രിക്, നോൺ-സിഎൻജി, നോൺ-ബിഎസ്-VI ഡീസൽ അന്തർസംസ്ഥാന ബസുകൾക്ക് നിയന്ത്രണം ഏർപ്പെടുത്തും. ഹോട്ട്സ്പോട്ട് പ്രദേശങ്ങളിലെ റോഡുകളിൽ വെള്ളം തളിക്കാനും നിർദ്ദേശിച്ചിട്ടുണ്ട്. കനത്ത പുകമഞ്ഞിനെ തുടർന്ന് ഡൽഹി എയർപോർട്ടിൽ നിന്നുള്ള മുന്നൂറോളം വിമാന സർവീസുകൾ വൈകിയിരുന്നു. ഡൽഹി എയർപോർട്ടിലേക്ക് വരുന്ന 115 വിമാനങ്ങൾ പുറപ്പെടുന്ന 226 വിമാന സർവീസാണ് വൈകിയത്.
ഏകദേശം 17 മിനിറ്റും പുറപ്പെടുന്ന വിമാനങ്ങളും 54 മിനിറ്റും വൈകിയതായാണ് വിവരം. വിസിബിലിറ്റി കുറവാണെന്നും യാത്രക്കാർ യാത്രാവിവരങ്ങളറിയാൻ വിമാന കമ്പനികളുമായി ബന്ധപ്പെടണമെന്നും എയർപോർട്ട് അധികൃതർ അറിയിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.