അയർലണ്ടിൽ പ്രവാസി മലയാളികളുടെ വ്യാപാര സ്ഥാപനം സാമൂഹ്യ വിരുദ്ധർ അടിച്ചു തകർത്തു..

കോർക്ക് ;അയർലണ്ടിൽ മലയാളികളുടെ വ്യാപാര സ്ഥാപനത്തിന് നേരെ സാമൂഹ്യ വിരുദ്ധരുടെ ആക്രമണം.അയർലണ്ടിലെ കോർക്കിൽ ടൈലക്സ് എന്ന വ്യാപാര സ്ഥാപനം നടത്തുന്ന പ്രവാസി മലയാളികളായ കോട്ടയം, മൂവാറ്റുപുഴ സ്വദേശികളുടെ സ്ഥാപനമാണ് ഇരുട്ടിന്റെ മറവിൽ ആക്രമിച്ചത്,

യുകെയിലും നോർത്തേൺ അയർലണ്ടിലും നടന്ന വംശീയ കലാപത്തിന്റെ ഭീതിയിൽ നിൽക്കുന്ന അയർലണ്ടിൽ ഒരു വർഷം മുൻപ് ഡബ്ലിൻ കേന്ദ്രമായി കലാപം പൊട്ടിപുറപ്പെട്ടിരുന്നു,സംഭവത്തിൽ മലയാളികൾ അടക്കമുള്ളവർ പരിഭ്രാന്തരായെങ്കിലും കലാപം അടിച്ചമർത്തുന്നതിൽ അയർലണ്ട് സർക്കാർ കാണിച്ച പ്രതിജ്ഞാ ബദ്ധമായ നിലപാട് ഏറെ സ്ലാഹനീയമായിരുനെങ്കിലും കലാപകാരികളെ പൂർണ്ണമായി പിടികൂടാൻ സാധിക്കാത്തത് വീഴ്ചയായി തന്നെ നിലനിൽക്കുന്നു,

മലയാളികുടുംബങ്ങളെ ലക്ഷ്യമിട്ട് നിരവധി മോഷണങ്ങളും അക്രമങ്ങളും പല കൗണ്ടികളിലും പതിവാകുന്ന സാഹചര്യത്തിലാണ് മലയാളികൾ നടത്തുന്ന ടൈലക്സ് എന്ന ടൈൽ വിൽപ്പന സ്ഥാപനം ആക്രമിക്കപെട്ടിരിക്കുന്നത്,

15 വർഷക്കാലമായി അയർലണ്ടിൽ സ്ഥിര താമസക്കാരായ പ്രവാസിമലയാളികളുടെ സ്ഥാപനം ആക്രമിച്ചത് ആരെന്ന ചോദ്യത്തിന് ഉത്തരം കണ്ടെത്തേണ്ടത് ഗാർഡയാണ് എന്നാൽ മുൻപ് നടന്ന പല അക്രമങ്ങൾക്ക് പിന്നിലും പ്രവർത്തിച്ചവരെ കണ്ടെത്താൻ സാധിക്കാത്തതും വ്യാപാര സ്ഥാപനത്തിന് ഉടമകളായവരുടെ ആശങ്ക വര്ധിപ്പിക്കുന്നുണ്ട്,

സംഭവത്തെ തുടർന്ന് പോലീസ് ഉദ്യോഗസ്ഥരെ വിവരമറിയിച്ചതായും വ്യാപാര സ്ഥാപനത്തിനുള്ളിൽ മോഷണം നടന്നിട്ടുണ്ടോ എന്ന കാര്യവും പരിശോധിച്ച് വരികയാണ്..ഇന്നലെ രാത്രിയിൽ സ്ഥാപനം പൂട്ടിപ്പോയ പ്രവാസി മലയാളികൾ ഇന്ന് പുലർച്ചെ സ്ഥാപനം തുറക്കാൻ എത്തിയപ്പോഴാണ് സ്ഥാപനത്തിന്റെ മുൻഭാഗം അടിച്ചു തകർത്ത നിലയിൽ കാണപ്പെട്ടത്,