ഒന്നാം പിറന്നാൾ ആഘോഷിക്കാനിരിക്കെ ഹൃദയാഘാതം മൂലം പ്രവാസി മലയാളികളുടെ പൊന്നോമനയ്ക്ക് ദാരുണാന്ത്യം..

യുകെ; പീറ്റർ ബറോയിൽ താമസിക്കുന്ന മലയാളി ദമ്പതികളുടെ മകൾ മരണമടഞ്ഞു. ഒന്നാം പിറന്നാൾ ആഘോഷിക്കാൻ ഏതാനും ദിവസം മാത്രം ബാക്കി നിൽക്കെയാണ് ജിനോ ജോർജിന്റെയും അനിതാ ജിനോയുടെയും മകളായ അഥീന മരണമടഞ്ഞത്.

പനിയെ തുടർന്നുള്ള ഹൃദയാഘാതം ആണ് 11 വയസ്സു മാത്രം പ്രായമുള്ള അഥീനയുടെ മരണത്തിനു കാരണമായത് . കുട്ടിയെ പനിയും ശ്വാസതടസ്സവും മൂലം ചികിത്സ തേടി പീറ്റർബറോ ആശുപത്രിയിൽ പ്രവേശിപ്പിച്ചിരുന്നു. എന്നാൽ കുഞ്ഞിൻറെ ആരോഗ്യസ്ഥിതിയെ കുറിച്ച് മറ്റ് പ്രശ്നങ്ങൾ ഒന്നും കണ്ടെത്താനായിരുന്നില്ല.

 ഇന്നലെ വൈകിട്ട് പെട്ടെന്ന് കുഞ്ഞിൻറെ ആരോഗ്യസ്ഥിതി വഷളാവുകയും മരണം സംഭവിക്കുകയും ആയിരുന്നു. ഐമുറി മാവിൻ ചുവട് പാറപ്പുറം കുടുംബാംഗമാണ് അഥീനയുടെ പിതാവ് ജിനോ ജോർജ്. അഥീനയുടെ ജനനത്തിനു ശേഷം കഴിഞ്ഞമാസം ആദ്യം കുടുംബം കേരളത്തിലെത്തി ഓണം ആഘോഷിച്ചിരുന്നു. നാട്ടിലെ ബന്ധുക്കൾക്കും സുഹൃത്തുക്കൾക്കും ഏതാനും ദിവസത്തെ അവധി കാലം കൊണ്ടു തന്നെ അഥീന അരുമയായി മാറിയിരുന്നു