ഉഴവൂർ കുറിച്ചിത്താനം മേഖലയിൽ പുലർച്ചെ വീടുകളുടെ വാതിൽ തള്ളിതുറക്കാൻ ശ്രമം നടന്നതായി റിപ്പോർട്ടുകൾ-കുറവാ സംഘമെന്ന ഭയപ്പാടിൽ ജനങ്ങൾ..

കോട്ടയം;ഉഴവൂർ കുറിച്ചിത്താനം മേഖലയിൽ രാത്രി കാലങ്ങളിൽ കള്ളന്മാർ എന്ന് സംശയിക്കുന്നവരെ കണ്ടതായി പ്രദേശവാസികൾ,കുറിച്ചിത്താനം കെ ആർ നാരായണൻ സ്കൂളിന്റെ ഭാഗത്തായി രണ്ടു ദിവസം മുൻപ് പുലർച്ചെ നിരവധി വീടുകളുടെ വാതിലിലും ജനലിലും നിരവധി തവണ തട്ടിയതായും പല വീടുകളുടെയും വാതിൽ തള്ളിത്തുറക്കാൻ ശ്രമം നടത്തിയതായും പ്രദേശ വാസികൾ പറഞ്ഞു.

file image

കെആർ നാരായണൻ സ്കൂളിന് സമീപത്തായി ഇത്തരത്തിൽ വാതിലിൽ മുട്ടിയതിനെ തുടർന്ന് ഭയപ്പെട്ട മധ്യവയസ്‌കയെ രാത്രിയിൽ ഹോസ്പിറ്റലിൽ കൊണ്ടുപോയ സംഭവവും ഉണ്ടായിട്ടുള്ളതായി പ്രദേശ വാസികൾ പറയുന്നു.ആലപ്പുഴയുടെ ചില ഭാഗങ്ങളിൽ തമിഴ്‌നാട്ടിൽ നിന്നുള്ള കുറുവാ സംഘം എത്തിയിട്ടുള്ളതായി നേരത്തെ റിപ്പോർട്ടുകൾ പുറത്തു വന്നിരുന്നു,ഇതേതുടർന്ന് ജനങ്ങൾ ജാഗ്രത പാലിക്കണമെന്നും പോലീസ് ഉദ്യോഗസ്ഥർ മുന്നറിയിപ്പ് നൽകിയിരുന്നു.

ഉഴവൂർ കുറിച്ചിത്താനം മേഖലയിലിയുള്ള നിരവധി പ്രവാസികളുടെ വീടുകളിൽ പ്രായമായവർ മാത്രമാണ് താമസം,രാത്രി കാലങ്ങളിൽ വാതിൽ തള്ളിത്തുറക്കാൻ  നടന്ന സംഭവം ഏവരെയും ഭയപ്പാടിലാക്കിയിട്ടുണ്ട്,സംഭവത്തെ തുടർന്ന് മരങ്ങാട്ടുപള്ളി പോലീസ് രാത്രിയിൽ പ്രദേശത്ത് എത്തുകയും പരിശോധന നടത്തുകയും ചെയ്‌തെങ്കിലും സംശയിക്കപ്പെടുന്നതായി യാതൊന്നും കണ്ടില്ല.

കുറിച്ചിത്താനം മേഖലയിൽ രാത്രികാല പരിശോധന കർശനമാക്കുമെന്ന് പോലീസ് ഉദ്യോഗസ്ഥർ പ്രദേശവാസികൾക്ക് ഉറപ്പ് നൽകിയതായും ജനങ്ങൾ പറയുന്നു.