പ്രായത്തെ കീഴടക്കി അയ്യന് മുന്നിൽ നൃത്തം ചെയ്ത് 66 കാരി

പത്തനംതിട്ട: സന്നിധാനത്ത് അയ്യപ്പന് മുൻപിൽ ചുവടു വയ്ക്കാൻ സാധിച്ചതിൻ്റെ സന്തോഷത്തിലാണ് 66 കാരി ലത കിഴക്കേമന.

അഞ്ചുവയസ്സ് മുതൽ നൃത്തം അഭ്യസിച്ചു വരുന്ന ലത, അയ്യപ്പൻ മുൻപിൽ ശ്രീധർമ്മ ഓഡിറ്റോറിയറ്റിൽ സ്വയം ചിട്ടപ്പെടുത്തിയ നൃത്തച്ചുവടുകൾ അവതരിപ്പിച്ചു. 15 വർഷമായി മല ചവിട്ടുന്ന ഭക്തയാണ് തൃശൂർ സ്വദേശിനിയും നൃത്ത അധ്യാപികയുമായ ലത. റിട്ടയേർഡ് ഹെഡ് നേഴ്സ് ആയ ഇവർ ബന്ധുക്കൾക്കൊപ്പമാണ് അയ്യപ്പദർശനത്തിനു എത്താറ്.

ഇത്തവണ ഒറ്റയ്ക്കാണ് മല ചവിട്ടി അയ്യൻ മുൻപിൽ നൃത്തം അവതരിപ്പിച്ചത്.  മുൻപ് ഗുരുവായൂരും നൃത്തം അവതരിപ്പിച്ചിട്ടുണ്ട്.ഏറെ കാലത്തെ സ്വപ്‌ന സാക്ഷാത്കാരത്തിൻ്റെ ചാരിതാർത്ഥ്യത്തോടെയാണ് മലയിറക്കം. മകൻ അഭിലാഷ് പ്രഭുരാജ് ,മരുമകൾ-നിഷ ,ചെറുമകൾ-ആര്യ.