വെള്ളനാട് പഞ്ചായത്തിൻ്റെ അനാസ്ഥയ്ക്കെതിരെ വെള്ളനാട്ടുകാരൻ എന്ന വാട്സ്ആപ്പ് കൂട്ടായ്മ

നെടുമങ്ങാട്: വെള്ളനാട് ജംഗ്ഷനിൽ രാഷ്ട്രീയപാർട്ടികളും മറ്റ് സംഘടനകളും സ്ഥാപിക്കുന്ന ഫ്ലക്സ് ബോർഡുകൾ വഴിയാത്രക്കാർക്കും ബസ് കാത്തിരിപ്പുകാർക്കും ബുദ്ധിമുട്ട്.

വെള്ളനാട് വെയിറ്റിംഗ് ഷെഡിന് മുന്നിൽ കമ്പിയിൽ സ്ഥാപിച്ചിരുന്നിടത്ത് ഫ്ലക്സ് ബോർഡുകൾ നിരത്തി കെട്ടുന്നതിനാൽ മാസങ്ങൾക്ക് മുൻപ് തന്നെ പഞ്ചായത്ത് മുൻകൈയെടുത്ത് കമ്പികൾ മാറിയിട്ടുണ്ട്.

ഇത്തരത്തിൽ ഫ്ലക്സ് ബോർഡുകൾ സ്ഥാപിച്ചിരിക്കുന്നതിനാൽ ജംഗ്ഷനിൽ വാഹനാപകടങ്ങൾ നടന്നാൽ പോലും സിസിടിവി മറഞ്ഞിരിക്കുന്നതിനാൽ വീഡിയോ കിട്ടാറില്ല എന്നും നാട്ടുകാർ പറയുന്നു.

എത്രയും പെട്ടെന്ന് ഗ്രാമപഞ്ചായത്ത് ഭരണസമിതി ജംഗ്ഷൻ കേന്ദ്രീകരിച്ച് വച്ചിരിക്കുന്ന എല്ലാ ഫ്ലക്സുകളും നീക്കി സ്ഥാപിക്കണമെന്നാണ് വെള്ളനാട്ടുകാരൻ എന്ന വാട്സ്ആപ്പ് കൂട്ടായ്മയുടെ ആവശ്യം.