ബൈക്കിന് കുറുകെ കാട്ടുപന്നി ചാടി,യവാവിന്, ഗുരുതര പരിക്ക്

പാലക്കാട്: കാട്ടുപന്നിയിടിച്ച്‌ ബൈക്ക് യാത്രികന് പരിക്ക്. കരിമ്പ കാഞ്ഞിരംപാറ സ്വദേശി ബവിൻ കെ.ആർ (36) ആണ് അപകടത്തില്‍പ്പെട്ടത്..

രാത്രിയില്‍ വാക്കോട് ഭാഗത്ത് വെച്ചാണ് അപകടമുണ്ടായത്. കല്ലടിക്കോട് ഹോട്ടല്‍ ജീവനക്കാരനായ ബവിൻ ജോലികഴിഞ്ഞ് വീട്ടിലേയ്ക്ക് മടങ്ങുമ്പോള്‍ കാട്ടുപന്നി ബൈക്കിനു കുറുകെ ചാടുകയായിരുന്നു.

തലയ്ക്കും കൈകാലുകള്‍ക്കും ഗുരുതരമായി പരിക്കേറ്റ ബവിനെ പാലക്കാട് സ്വകാര്യ ആശുപത്രിലേക്ക് മാറ്റി. ബവിൻ തീവ്രപരിചരണ വിഭാഗത്തില്‍ ചികിത്സയില്‍ തുടരുകയാണ്.