കൊടുംക്രൂരത, യുവാവിനെ നഗ്നനാക്കി റോഡിലെ പോസ്റ്റില്‍ കെട്ടിയിട്ട് മര്‍ദ്ദിച്ചു; 4 പേർ പിടിയിൽ,,

കൊല്ലം: കൊല്ലം തെന്മലയില്‍ യുവാവിനോട് അക്രമികളുടെ കൊടും ക്രൂരത. യുവാവിനെ നഗ്നനാക്കി റോഡിലെ പോസ്റ്റില്‍ കെട്ടിയിട്ട് ക്രൂരമായി മർദ്ദിച്ചു.

സംഭവത്തില്‍ ഇടമണ്‍ സ്വദേശികളായ സുജിത്, രാജീവ്, സിബിന്‍, അരുണ്‍ എന്നിവരെ പോലീസ് അറസ്റ്റ് ചെയ്തു.

കഴിഞ്ഞ ദിവസം രാത്രി ഒമ്പതോടെയാണ് സംഭവം. നിഷാദ് ഒരു സ്ത്രീയുടെ വീട്ടില്‍ എത്തിയതുമായി ബന്ധപ്പെട്ടുണ്ടായ തര്‍ക്കത്തിന് പിന്നാലെയായിരുന്നു മർദനം.

നിഷാദും അറസ്റ്റിലായ സുജിത്തും തമ്മില്‍ കഴിഞ്ഞ നാല് വര്‍ഷത്തോളമായി ചില തര്‍ക്കങ്ങള്‍ ഉണ്ടായിരുന്നു. ഇതിന്‍റെ വൈരാഗ്യമാണ് മര്‍ദനത്തില്‍ കലാശിച്ചതെന്ന് പോലീസ് അറിയിച്ചു.