ആശ്രയയിൽ ഡയാലിസിസ് കിറ്റ് വിതരണവും ചികിത്സാ ധനസഹായവും നൽകി

ഗാന്ധിനഗർ: ആശ്രയ ചാരിറ്റബിൾ ട്രസ്റ്റിന്റെ ആഭിമുഖ്യത്തിൽ എല്ലാ മാസവും നടത്തിവരുന്ന ഡയാലിസിസ് കിറ്റ് വിതരണവും, ധനസഹായവും ഈ മാസം ആശ്രയയും, ഷീല കുര്യൻ ബാംഗളൂരും ചേർന്ന് 149 വൃക്കരോഗികൾക്ക് നൽകി. 

ആശ്രയയുടെ സെക്രട്ടറി ഫാ.ജോൺ ഐപ്പ് അദ്ധ്യക്ഷത വഹിച്ച യോഗത്തിൽ ഏറ്റമാനൂർ ബ്ലോക്ക് പഞ്ചായത്ത് അധ്യക്ഷ ശ്രീമതി. ആര്യ രാജൻ യോഗം ഉദ്ഘാടനവും, കെ ഇ ഇംഗ്ലീഷ് മീഡിയം സ്കൂൾ മാന്നാനം പ്രൻസിപ്പൽ റവ ഡോ ജയിംസ് മുല്ല ശ്ശേരി CMI കിറ്റ് വിതരണ ഉദ്ഘാടനവും ചെയ്തു.

ഡോ. സദറുദ്ദീൻ അഹമ്മദ് , ( HOD ENT Dept, MCH,KTM), സിസ്റ്റർ ശ്ലോമ്മോ, ശ്രീ എം സി ചെറിയാൻ, എന്നിവർ ആശംസകൾ അർപ്പിച്ചു. കിറ്റ് കൊടുക്കുന്നതിൽ 58 മാസം പൂർത്തീകരിച്ച ഈ വേളയിൽ ഡയലിസിസ് കിറ്റ് നൽകുന്നതിന് ആത്മാർത്ഥമായി സഹായിക്കുന്ന എല്ലാവരെയും സ്നേഹപൂർവ്വം ഓർക്കുന്നു. തുടർന്നും നിങ്ങൾ ഓരോരുത്തരുടെയും സഹായ സഹകരണം ഉണ്ടെങ്കിൽ മാത്രമേ ഈ പ്രസ്ഥാനം മുൻപോട്ട് പോവുകയുള്ളൂ.