ന്യൂഡൽഹി: ഈ വർഷത്തെ ഇന്ത്യയുടെ ട്വന്റി 20 മത്സരങ്ങൾ പൂർത്തിയായപ്പോൾ കൂടുതൽ റൺസ് നേടുന്ന താരമായി സഞ്ജു സാംസൺ. വെറും 13 മത്സരങ്ങളിൽ മാത്രം കളത്തിലിറങ്ങിയ സഞ്ജു മൂന്ന് സെഞ്ച്വറികളടക്കം 436 റൺസാണ് നേടിയത്. 180 സ്ട്രൈക്ക്റൈറ്റുള്ള സഞ്ജുവിന് 43.60 ശരാശരിയുമുണ്ട്. 31 സിക്സറുകളും 35 ബൗണ്ടറികളും സഞ്ജു ഇന്ത്യക്കായി കുറിച്ചു.
18 മത്സരങ്ങളിൽ നിന്നും 429 റൺസ് നേടിയ സൂര്യകുമാർ യാദവാണ് രണ്ടാമത്. 11 മത്സരങ്ങളിൽ 378 റൺസ് നേടിയ രോഹിത് ശർമ മൂന്നാമതും 17 മത്സരങ്ങളിൽ 352 റൺസ് നേടിയ ഹാർദിക് പാണ്ഡ്യ നാലാമതും നിൽക്കുന്നു.
ഈ വർഷം നടന്ന ട്വന്റി 20 ലോകകപ്പ് സ്ക്വാഡിൽ ഇടം പിടിച്ച സഞ്ജുവിനെ ഒരു മത്സരത്തിലും കളത്തിലിറക്കിയിരുന്നില്ല. ഈ വർഷം ഹോം എവേ സീരീസുകളും ലോകകപ്പുമായി 25 ട്വന്റി 20 മത്സരങ്ങളാണ് ഇന്ത്യ കളിച്ചത്. ഇതിൽ പരാജയപ്പെട്ടത് വെറും രണ്ടെണ്ണത്തിൽ മാത്രം.
ശ്രീലങ്ക, ദക്ഷിണാഫ്രിക്ക, സിംബാബ്വെ എന്നിവർക്കെതിരെ എവേ സിരീസുകളും ബംഗ്ലാദേശ്, അഫ്ഗാനിസ്ഥാൻ എന്നിവർക്കെതിരെ നാട്ടിലും ട്വന്റി 20 പരമ്പര നേടി. കൂടാതെ അമേരിക്കയിലും വിൻഡീസിലുമായി നടന്ന ട്വന്റി 20 ലോകകപ്പിൽ ഒരു മത്സരം പോലും തോൽക്കാതെയാണ് ഇന്ത്യ ചാമ്പ്യൻമാരായത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.