ഇംഫാൽ: ആറു പേരെ കൊലപ്പെടുത്തിയതിന് പിന്നാലെ സംഘര്ഷം പൊട്ടിപ്പുറപ്പെട്ട മണിപ്പൂരില്, കൊലപാതകത്തിന് ഉത്തരവാദികളായ കുക്കി അക്രമികൾക്കെതിരെ കടുത്ത നടപടി വേണമെന്ന് എന്.ഡി.എ എം.എല്.എമാര്. ജിരിബാം ജില്ലയിൽ അടുത്തിടെയുണ്ടായ കോലപാതകങ്ങളുടെ സാഹചര്യത്തിലാണ് കുക്കികൾക്കെതിരായ 'ബഹുജന ഓപ്പറേഷൻ' ആഹ്വാനം ചെയ്യുന്ന പ്രമേയം എൻ.ഡി.എയുടെ എം.എൽ.എമാർ അംഗീകരിച്ചത്.
എൻ.ഡി.എയുടെ 27 എം.എൽ.എമാർ പ്രമേയം അംഗീകരിക്കുകയും ഏഴു പേർ ആരോഗ്യ കാരണങ്ങളാൽ വിട്ടു നിൽക്കുകയും 11 പേർ പ്രമേയാവതരണത്തിൽ ഹാജരാവാതിരിക്കുകയും ചെയ്തു. ഏഴു ദിവസത്തിനുള്ളിൽ കുക്കി വിഭാഗത്തെ തീവ്രവാദ സംഘടനയായി പ്രഖ്യാപിക്കണമെന്നും കേസ് നാഷണൽ ഇൻവെസ്റ്റിഗേഷൻ ഏജൻസിക്കു കൈമാറണമെന്നും പ്രമേയത്തിൽ ആവശ്യപ്പെടുന്നുണ്ട്.
പ്രമേയത്തിൽ ആവശ്യപ്പെടുന്ന കാര്യങ്ങളിൽ ഉടൻ തീരുമാനമുണ്ടായില്ലെങ്കിൽ മണിപ്പൂരിലെ ജനങ്ങളോടാലോചിച്ച് തുടർനടപടികൾ തീരുമാനിക്കുമെന്നും എം.എൽ.എമാർ അറിയിച്ചു. കേസുകള് ഉടന് എന്.ഐ.എയ്ക്ക് കൈമാറുക, സംസ്ഥാനത്ത് അഫ്സ്പ നിയമം ഏര്പ്പെടുത്തിയത് പുനഃപരിശോധിക്കുക, ജനങ്ങളുടെ സുരക്ഷയും ഉറപ്പു വരുത്താനുള്ള അടിയന്തര നടപടികള് സംസ്ഥാന സര്ക്കാരും കേന്ദ്രസര്ക്കാരും കൈക്കൊള്ളണമെന്നും എം.എല്.എമാര് പ്രമേയത്തില് ആവശ്യപ്പെട്ടിട്ടുണ്ട്.
ഒരു കുടുംബത്തിലെ അടക്കം ആറുപേരെ കൊലപ്പെടുത്തിയതോടെയാണ് മണിപ്പൂരില് വീണ്ടും സംഘര്ഷം പൊട്ടിപ്പുറപ്പെട്ടത്. രണ്ടു വയസ്സുകാരന്റെ തലയില്ലാത്തത് അടക്കം ഏതാനും മൃതദേഹങ്ങള് നദിയില് നിന്നും കണ്ടെടുക്കുകയായിരുന്നു. കൊല്ലപ്പെട്ടവരില് മൂന്നു സ്ത്രീകളും മൂന്നു കുട്ടികളും ഉള്പ്പെട്ടിരുന്നു.
.jpg)
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.