മലങ്കര മാർത്തോമ്മാ സുറിയാനി സഭയുടെ പുനലൂർ കൺവെൻഷൻ 2024 നവംബർ 13(ഇന്ന്) മുതൽ 17 വരെ

പുനലൂർ: മലങ്കര മാർത്തോമ്മാ സുറിയാനി സഭയുടെ ഈ വർഷത്തെ പുനലൂർ കൺവെൻഷൻ 2024 നവംബർ 13(ഇന്ന്) മുതൽ 17 വരെ പുനലൂർ ഈസ്റ്റ്, വെസ്റ്റ് സെന്ററുകളിലെ വിവിധ ഇടവകകളിലായി നടക്കും.

കൺവൻഷന്റെ ഉദ്ഘാടനം ആദ്യ ദിനമായ ഇന്ന് വൈകിട്ട് 6:30 ന് വിളക്കുവെട്ടം മാർത്തോമ്മാ പള്ളിയിൽ വച്ച് റവ സാം റ്റി കോശി നിർവഹിക്കും.തുടർന്ന് "അനുരഞ്ജനം ഒരു ദൈവിക പദ്ധതി"എന്ന വിഷയം ആസ്പദമാക്കിയുള്ള തിരു വചന ശുശ്രൂഷയ്ക്ക് സാം റ്റി കോശി അച്ചൻ നേതൃത്വം നല്കും.

നവംബർ 17 ഞായറാഴ്ച രാവിലെ 7:30 ന് റവ ജോളി തോമസിന്റെ മുഖ്യകാർമികത്വത്തിൽ നടക്കുന്ന വിശുദ്ധ കുർബാനയോടും സമാപനസമ്മേളനത്തോടും കൂടെ കൺവൻഷൻ സമാപിക്കും.