മുണ്ടക്കയം സെൻ്റ്. ജോസഫ്സ് സെൻട്രൽ സ്കൂളിൽ സഹോദയ കോട്ടയം ചെസ്സ് ടൂർണമെന്റ്

മുണ്ടക്കയം: പതിനഞ്ചാമത് സഹോദയ കോട്ടയം ചെസ്സ് ടൂർണമെന്റിന് മുണ്ടക്കയം സെന്റ്. ജോസഫ്സ് സെൻട്രൽ സ്കൂൾ ആതിഥ്യം വഹിക്കും.

നാൽപ്പതിൽപരം സ്കൂളിൽ നിന്ന് അറുന്നൂറിലധികം കുട്ടികൾ പങ്കെടുക്കുന്ന ഈ ടൂർണമെന്റ് കോട്ടയം സഹോദയയുടെ ജോയിന്റ് സെക്രട്ടറിയും മണിമല കാർഡിനൽ പടിയറ പബ്ലിക് സ്കൂളിന്റെ പ്രിൻസിപ്പാളുമായ ശ്രീ. റോയ് തോമസ് ഉദ്ഘാടനം ചെയ്യുന്നതും പൂഞ്ഞാർ എം. എൽ.എ. അഡ്വ. സെബാസ്റ്റ്യൻ കുളത്തിങ്കൽ സമ്മാനദാനം നിർവഹിക്കുന്നതുമാണ്.

സ്കൂൾ മാനേജർ ഫാ. മത്തായി മണ്ണൂർവടക്കേതിൽ, പ്രിൻസിപ്പാൾ ഫാ. തോമസ് നാലന്നടിയിൽ എന്നിവർ ആശംസകൾ അർപ്പിക്കും. അധ്യാപകരായ ശ്രീ ആന്റണി കുരുവിള, ശ്രീ ഷൈജു ആൻഡ്രൂസ് എന്നിവർ നേതൃത്വം നൽകും.